वसंतराव नाईक विद्यालयाचा उत्कृष्ट निकाल

वसंतराव नाईक विद्यालयाचा उत्कृष्ट निकाल

कोरपना: नुकताच वर्ग दहावीचा निकाल जाहीर झाला. यात ग्रामीण शिक्षण प्रसारक मंडळ कोरपना द्वारा संचालित वसंतराव नाईक विद्यालय कोरपना चा ९९.४३ टक्के निकाल लागला.

यात विद्यालयातून प्रथम क्रमांक हर्षदा ढेंगळे (७८.४० टक्के ), द्वितीय क्रमांक रूपाली भोयर व स्वाती उरकुडे (७७.२० टक्के ) तर तृतीय क्रमांक धीरज उराडे व आकांशा पावडे (७६.६० टक्के ) यांनी पटकाविला. या परीक्षेत प्राविण्य श्रेणीत पाच, प्रथम श्रेणी त ७४, द्वितीय श्रेणीत ७६, तृतीय श्रेणीत २२ असे एकूण १७७ विद्यार्थी उत्तीर्ण झाले. सर्व यशस्वी विद्यार्थ्यांचे संस्थेचे अध्यक्ष श्रीधरराव गोडे, सचिव भाऊराव कारेकर, संचालक गणेश गोडे, अरुण कुकडे, मुख्याध्यापक डी जी खडसे , पर्यवेक्षक बोंडे व शिक्षक-शिक्षकेतर कर्मचारी यांनी अभिनंदन केले.