पेट्रोल पंपा वरील सोशल मिडीया वरिल वायरल फोटोची धुम..

दाढीच्या केसा सारखे दररोज पेट्रोलच्या दरवाढीने ग्राहकाच्या खिशाला आगावुचा भुर्दंड

मारेगाव (तालुका प्रतिनिधी ): केन्द्र शासन व राज्य शासन लावत असलेल्या आडमाप टॅक्स मुळे पेट्रोल डिझेलचे भाव गगनाला भिडले असून , डिझेल ९० रूपयावर पोहचले तर पेट्रोल प्रति लिटर १०० रुपया वर गेल्याने, सर्वसामान्य लोक शासनाच्या नावाने बोटे मोडण्याच काम करण्याशिवाय उपाय नाही , मात्र शनिवारला पेट्रोल पंपावर एक ग्राहक गाडीत डिझेल टाकताना उपरोधिक पणे देशाच्या पंतप्रधानाला साष्टांग नमस्कार करतानाचा फोटो वायरल झाला असून त्या फोटोमधून ग्राहक हेच सुचवत आहे की आमच्यावर घरच्या वस्तु विकुन पेट्रोल डिझेल टाकण्याची नौबत येऊ देऊ नका.
     आज महागाईने सर्वसामान्य जनता डबघाईस आली, जगात बेरोजगारीच्या बाबतीत देश प्रथम क्रमांकाच्या स्पर्धेत यायला वेळ लागणार नाही, पेट्रोलचे दर दररोज दाढीच्या केसा सारखे वाढत आहे, गॅस दरवाढीने उज्वला गॅस योजना मृगजळ ठरली आहे, मारेगांव तालुक्यातील गावखेडयात घरोघरी मातीच्या चुली पेटत असताना , देशाचे प्रधान "मन की बात " मध्ये मश्गुल आहे, गेल्या वर्षभरातील लॉकडाऊनमुळे जनता आर्थिक चनचनीत पेट्रोल , डिझेल, गॅस दरवाढीचा चटका सहन कुठवर सहन करणार, ज्यांनी भारत महासत्ता बनाविन्याच स्वप्न दाखविले ते स्वप्न केवळ सामान्याचे नाही तर भांडवलदाराचे साकार होताना दिसत आहे, तालुक्यातील पेट्रोल डिझेल दरवाढीने अनेक वाहणे उभे राहून पेट्रोल दरवाढीची साक्ष देत आहे, या दरवाढीने प्रवास करणाऱ्यांना आगाऊचा आर्थिक फठका बसत आहे, वायरल झालेले पेट्रोल पंपावरिल ढोपरापासून प्रधान सेवकाला नमस्कार करणार चित्र संभाजी ब्रिगेडचे जिल्हाध्यक्ष सुरज खोब्रागडे यांच असून या पासून सामान्य ग्राहकाचे महागाईने काय हाल होते ते दर्शवण्याचा प्रयत्न आहे.