राष्ट्रीय चर्मकार महासंघाची भालर येथे शाखा स्थापन

वणी: तालुक्यातील भालर येथे संत रविदास महाराज यांच्या जयंती दिनी प्रतिमेस अभिवादन करून  राष्ट्रीय चर्मकार महासंघाची शाखा  फलकाचे अनावरण करण्यात आले.हा अनावरण सोहळा उद्घाटन रामप्रसाद येरेकार यांच्या हस्ते पार पडला.

देशभर चर्मकार बांधवांच्या हक्कासाठी लढणारी संघटना म्हणून परिचित असणारी राष्ट्रीय चर्मकार महासंघाच्या जिल्ह्यात अनेक शाखा स्थापन झाल्या आहेत, यातच वणी तालुक्यात तीसरी शाखा भालर येथे राष्ट्रीय अध्यक्ष बबनराव घोलप यांच्या आदेशानुसार तसेच महाराष्ट्र प्रदेश अध्यक्ष माधवराव गायकवाड यवतमाळ जिल्हा अध्यक्ष प्रा.नरेश खडतरे सर यांच्या सूचनेनुसार समाज बांधांवांच्या परिश्रमातून स्थापन झाली. भालर गाव शाखेचे अध्यक्ष म्हणून सुरेश  सोनबाजी टिकले, उपाध्यक्ष हनुमान वादेकर तर सचिव पंकज मारोती वादेकर यांची सर्वानुमते निवड करण्यात आले,तसेच पदाधिकाऱ्यांच्या हस्ते नियुक्ती पत्र प्रदान करण्यात आले.

उद्घाटक म्हणून रामप्रसादजी येरेकार तर कार्यक्रमाचे अध्यक्ष म्हणून राष्ट्रीय चर्मकार महासंघ यवतमाळ जिल्हा युवा उपाध्यक्ष अमोल बांगडे ,प्रमुख पाहुणे वणी विभागीय अध्यक्ष रवींद्र धुळे, गावच्या सरपंच सौ.मंदा हेपट ,उपसरपंच देवेंद्र पारखी ,संजय देठे ,महेश देठे, उपस्थित होते, तसेच याप्रसंगी किसन कोरडे,श्याम गिरडकर, युवराज वाडेकर,किशोर हांडे, मारोतीजी वादेकर, संजय टिकले ,रामचंद्र वादेकर, चिंधुजी  टिकले, सोनबजी टिकले, अरुण वादेकर  दशरथ टिकले,व इतर समाज बांधव व महिला उपस्थित होत्या.

या कार्यक्रमाचे सूत्रसंचालन पंकज वादेकर,आभार प्रदर्शन रवींद्र धुळे यांनी केले, कार्यक्रमाच्या यशस्वीतेसाठी सर्व समाज बांधव व समाजातील महिलांनी व गावकऱ्यांनी परिश्रम घेतले.