तालुका विधी सेवा समिती द्वारा निबंध स्पर्धा 

तालुका विधी सेवा समिती द्वारा निबंध स्पर्धा 

वणी: पंचायत समिती शिक्षण विभाग व तालुका विधी सेवा समिती द्वारा निबंध स्पर्धा घेण्यात येणार आहे. या स्पर्धा आयोजित करण्यासाठी येथील मुख्य न्यायाधीश कैलास चाफले यांच्या अध्यक्षतेखाली गट विकास अधिकारी राजेश गायनर यांच्या प्रमुख उपस्थितीत झालेल्या बैठकीत या स्पर्धेचे नियोजन करण्यात आले. या स्पर्धेत वणी तालुक्यातील जिल्हा परिषद, खाजगी व नगर परिषद शाळांचा सहभाग अपेक्षित आहे.

ही निबंध स्पर्धा वर्ग 5 ते 7 अ गट, वर्ग 8 ते 10 ब गट, वर्ग 11 ते 12 क गट अशा तीन गटात घेण्यात येणार आहे. अ गटासाठी 'परिसर स्वच्छतेचे महत्व', ब गटासाठी 'महिला सक्षमीकरणाची आवश्यकता', क गटासाठी ' नागरिकांचे मूलभूत कर्तव्य व जबाबदारी', या विषयावर निबंध स्पर्धा होणार आहे.

या गटात बसणाऱ्या विद्यार्थ्यांनी आपापल्या शाळांमधून मराठी किंवा हिंदी या भाषेत निबंध लिहून मुख्याध्यापकामार्फत गटशिक्षणाधिकारी पंचायत समिती वणी येथे 9 ऑक्टोबर पर्यंत पाठविण्याचे आवाहन या आयोजन समितीचे अध्यक्ष प्रकाश नागतुरे, सचिव गजानन कासावार यांनी केले आहे.