जगतगुरु तुकोबाराय साहित्य परिषदेच्या वणी तालुकाध्यक्ष पदी संदीप गोहोकार यांची निवड

आशिष साबरे (यवतमाळ जिल्हा प्रतिनिधी)वणी: जगद्गुरु तुकोबराय साहित्य परिषद हा मराठा सेवा संघाचा साहित्यिक कक्ष आहे. या कक्षाच्या माध्यमातून समाजामधे मोठी जागृती करण्याचे कार्य केले आहे. अखिल भारतीय स्तरावर दहा साहित्य संमेलने पार पडली. शेती, शिक्षण, महिला, आरोग्य यासह अनेक विषयाच्या सबधाने सातत्याने या कक्षाच्या माध्यमातून जागृती करण्याचे कार्य सुरु असते.

या कक्षाच्या वणी तालुकाध्यक्ष पदी वक्ते, विचारवंत व लेखक म्हणून समाजात ओळख असणारे मा. संदीप गोहोकार यांची निवड करण्यात आली. ही निवड मराठा सेवा संघाची मासिक सभा सुरु असताना, मराठा सेवा संघाचे जिल्हा संघटक मा. ऋषीकंत पेचे, तसेच मराठा सेवा संघाचे तालुकाध्यक्ष मा. अंबादासजी वागदरकर यांनी केली. यावेळी सचिव नितीन मोवाडे,मंगेश खामनकर, संभाजी ब्रिगेड चे जिल्हाध्यक्ष अजय धोबे, अड. अमोल टोंगे, संजय गोडे, सुरेंद्र घागे, मरोती जिवतोडे, प्रा. अनिल टोंगे, प्रा बाळासाहेब राजूरकर, मा. अशोकराव चौधरी,दत्ता डोहे यासह अनेक पदाधिकारी व सदस्य उपस्थीत होते.