दिवाळीची रंगत बाजार पेठेत 

 वणी (प्रतिनिधी): दि. २७.दिवाळी आली की, बाजारपेठेत आकर्षक रंगाच्या रांगोळ्या टोपल्यात भरुन विक्री करीता आणल्या जातात. हल्ली वेगवेगळ्या रंगाच्या रांगोळ्या उपलब्ध असल्याने जेव्हा महिला रांगोळी घेण्याकरीता जातात तेव्हा त्यांना कोणती रांगोळी घेवु व कोणती नाही असा प्रश्न पडतो. प्रामुख्याने कोराडी येथुन पांढरी रांगोळी आपल्याकडे येते. त्यात वेगवेगळे कलर मिसळून रंगाच्या रांगोळ्या तयार केल्या जातात.

जेव्हा रॉकेल मिळत होते तेव्हा रंगाची रांगोळी तयार करतांना रॉकेलचा उपयोग होत होता. परंतु आता रॉकेल हे कुठेच मिळत नसल्यान रंगाची रांगोळी तयार करतांना डिझेलचा उपयोग करावा लागतो. डिझेलही महाग असल्याने कमी प्रमाणातच वापरावे लागते. अशी माहिती एका रांगोळी विक्रेत्याने दिली. रांगोळी सोबतच मुलांना आकर्षीत करणारे वेगवेगळ्या आकाराचे व नवीन पद्धतीचे आकाश दिवे गांधीं चौकातिल दुकानांबाहेर आलेले दिसत असल्याने, आता खरेदीसाठी येत्या २-३ दिवसात बाजारात झुंबड उडणार आहे.