राष्ट्रीय लोकन्यायालयात 411 प्रकरणांचा निपटारा

4 लाख 11 हजाराचा दंड वसूल

वणी :    दिवाणी व फौजदारी न्यायालय वणी येथे दि.12 डिसेंबर रोजी राष्ट्रीय लोकन्यायालयाचे आयोजन करण्यात आले होते. या लोक न्यायालयात वणी पोलीस ठाण्यातील दाखल व न्यायालयात प्रलंबित असलेल्या तब्बल 411 फौजदारी प्रकरणांचा आपसी तडजोडीने निपटारा  करून 4 लाख 11 हजार दोनशे रुपये दंड वसूल करण्यात आला.

  या लोकन्यायालयाचे उदघाट्न के. के.चाफले अध्यक्ष विधी सेवा समिती व दिवाणी न्यायाधीश (क. स्त.)वणी यांच्या हस्ते करण्यात आले.  सदरहू लोकन्यायालयात दोन पॅनलची व्यवस्था करण्यात आली होती.एका पॅनलचे न्यायाधीश म्हणून के.के.चाफले दिवाणी व फौजदारी प्रकरणाचे पॅनल प्रमुख होते तर दुसऱ्या पॅनलचे न्यायाधीश म्हणून एस.बी.तिवारी यांनी सुनावणी केली. या राष्ट्रीय लोक न्यायालयाच्या यशस्वीतेकरिता न्यायालयाचे सहा. अधीक्षक आर.व्ही.बढिये, कनिष्ठ लिपिक एस.एस. निमकर तसेच न्यायालयीन कर्मचारी व वकील मंडळी यांनी परिश्रम घेतले