पंतप्रधान आवास योजनेतील लाभार्थ्यांचे पुन्हा सर्वेक्षण करण्याची मागणी..!

विरोधी पक्षनेत्याना ग्राम संवाद सरपंच संघाचे निवेदन, पंतप्रधान आवास योजनेतील लाभार्थ्यांचे पुन्हा सर्वेक्षण करण्याची मागणी..!

वणी(प्रतिनिधी) :- तालुक्यातील पंतप्रधान आवास योजनेतील  लाभार्थ्यांची नावे प्रपत्र ड मध्ये आल्याने अपात्र ठरले आहे. त्यांचे पुन्हा सर्वेक्षण तसेच जाचक अटी शिथिल करून गरीब लाभार्थ्यांना पंतप्रधान आवास योजनेचा लाभ मिळवून देण्यात अशा आशयाचे निवेदन ग्राम संवाद सरपंच संघाचे वतीने विरोधी पक्षनेते देवेंद्र फडणवीस यांना देण्यात आले आहे.

तालुक्यातील बहुतांश गावातील पात्र असलेले लोक पंतप्रधान आवास योजनेत अपात्र ठरले आहे. शासनाच्या जाचक अटीमुळे कित्येक गरिबांची गोची झाली आहे. यात अल्पभूधारक शेतकरी, दुचाकी वाहन असलेले शेतकरी, मजूरदार, ५० हजाराचे वर पीककर्ज घेणारे शेतकरी,टीव्ही,फ्रिज असलेले कुटुंब हे पंतप्रधान आवास योजनेतून बाद झाले आहे. या अटी शिथिल करून शासनाने प्रपत्र द मध्ये आलेल्या लाभार्थ्यांना पात्र ठरवून त्यांना पंतप्रधान आवास योजनेत समाविष्ट करण्यासंबंधी चे निवेदन ग्राम संवाद सरपंच संघाचे तालुका अध्यक्ष अजय कवरासे,सचिव हेमंत गौरकार, सरचिटणीस गणेश जेनेकार निलेशभाऊ पिंपळकर सरपंच साखरा, जगदीश बोरपे सरपंच शिरपूर, नरेंद्र बदखल सरपंच गोवारी, योगीराज आत्राम सरपंच बोरी, गिरीधर आगलावे सरपंच निंबाळा, राजेंद्र इददे आदींनी विरोधी पक्षनेते देवेंद्र फडणवीस यांना वणी येथील कार्यक्रमात दिले आहे.