न.प.शिक्षकांच्या वेतनाचा १० टक्के थकीत निधी व सातव्या वेतन आयोगाचा थकीत हप्ता मिळण्याची मागणी

शिक्षक संघटनेचे मुख्यधिकारी यांना निवेदन

वणी : नगर परिषद शिक्षकांच्या वेतनाचा १० टक्के थकीत निधी व सातव्या वेतनाचा थकीत हप्ता मिळण्याची मागणी शिक्षकांनी एका निवेदनाद्वारे मुख्यधिकारी वणी यांच्याकडे दि.१३ ऑगस्टला केली आहे. नगर पालिका शिक्षकांना वेतनासाठी प्रतिमाह ९० टक्के निधी अमरावती उपसंचालक कार्यालयामार्फत मिळते व १० टक्के निधी नगर विकास विभागाकडुन न.प.फंडात शिक्षकांचे वेतनापोटी जमा होत असते.

हा निधी अंदाजे १ कोटीचे वर न.प.नगर पालिकेकडे प्रलंबीत असल्यामुळे माहे जुलै २०२१ चे वेतन व सातव्या वेतनाचा पहिला हप्ता अजुन पर्यंत शिक्षकांना मिळालेला नाही. परिणामी महाराष्ट्र राज्य नगरपालीका व महानगरपालीका शिक्षक संघटना शाखा वणी यांनी असलेला १० टक्के निधी व सातव्या वेतन आयोगाचा थकीत हप्ता मिळण्याची मागणी निवेदनाद्वारे केली आहे.

यावेळी संघटनेचे अध्यक्ष दिलीप कोरपेनवार,उपाध्यक्ष जाहीद खलील,विनोद चव्हाण,प्रमोद जोगी,किशोर परसावार,प्रभाकर ब्रम्हटेके,अविनाश पालवे,संजय पिदुरकर ईत्यादी उपस्थित होते.