श्री जगन्नाथ महाराज संस्थानच्या वतीने श्रीराममंदिर निर्माण निधी समर्पण

 संपुर्ण देशात दि.15 जानेवारी मकर संक्रांतीपासून श्रीरामजन्मभूमी मंदिर निर्माण निधी समर्पण व गृहसंपर्क अभियान सुरू झाले आहे.

वणी: संपुर्ण देशात दि.15 जानेवारी मकर संक्रांतीपासून श्रीरामजन्मभूमी मंदिर निर्माण निधी समर्पण व गृहसंपर्क अभियान सुरू झाले आहे. या अभियानात पहिल्या टप्प्यात पावती स्वरूपात मोठया प्रमाणात निधी समर्पण करणाऱ्या रामभक्तांचे समर्पण प्राप्त झाले. वणी आणि परिसरातील लाखो भक्तांचे श्रद्धास्थान विदेही संत जगन्नाथ महाराज संस्थान, भांदेवाडा कडून 16016/- रु चा निधी समर्पित करण्यात आला आहे. 
       भांदेवाडा येथे दि.  2 फेब्रुवारीला सांयकाळीच्या दैनिक आरतीच्या नंतर संपन्न झालेल्या कार्यक्रमात  विश्व हिंदू परिषदेचे प्रांत संघटन मंत्री  अरुण नेटके, आमदार संजीवरेड्डी बोदकुरवार, संस्थेचे विश्वस्त व अभियान समितीचे तालुका प्रमुख वसंतराव धानोरकर, संस्थेचे अध्यक्ष बबनराव धानोरकर , विजय चोरडिया या अभियानाचे  जिल्हा सहप्रमुख  प्रशांत भालेराव, जिल्हा प्रचारक स्वप्नील राऊत,  दिपक नवले, प्रमोद सप्रे, अनिल झाबक, नितीन वासेकर, सूर्यकांत पायघन उपस्थित होते.            
         याप्रसंगी अरुण नेटके यांनी श्रीरामजन्मभूमी आंदोलन, इतिहास व अभियानाची विस्तृत माहिती दिली.  अभियानासाठी विस्तारक असलेले तुषार शिवणकर,  कुंवरसिंगजी,  चंद्रोदय,  कन्हैया कलपूरवर, महेशजी यांच्यासह मोठया संख्येने नागरिक उपस्थित होते. या प्रसंगी उपस्थित नागरिकांना भगवान श्रीरामाच्या भव्य मंदिरासाठी सढळ हाताने मदत करण्याचे आवाहन केले असून प्रत्येक व्यक्तीने आपापल्या क्षमतेनुसार निधी समर्पित करावे असे आवाहन अरुण नेटके यांनी केले आहे.असाच निधी शिक्षण क्षेत्रात कर्तबगार विधार्थी यांना सुद्धा मदत दान करून विश्व ज्ञाण गुरु करण्यासाठी सहकार्य करावे