संपूर्ण विदर्भात ओला दुष्काळ जाहीर करून पन्नास हजार प्रति हेक्टर तात्काळ आर्थिक मदत द्या - सुदाम राठोड

ब्रम्हपुरी (प्रतिनिधी) : संपूर्ण विदर्भामध्ये अतिवृष्टीच्या विक्रमी पावसामुळे मोठ्या प्रमाणावर शेती पिकाचे नुकसान झाले आहे.कापूस, सोयाबीन, ज्वारी,धान ,तुरी या सर्व पिकांचा मौका पंचनामा न करता सरसकट प्रति हेक्टर पन्नास हजार (५०,०००) रुपयांची महाराष्ट्र सरकारने शेतकऱ्यांना त्वरित आर्थिक नुकसान भरपाई द्यावी व देशाचा पोशिंदा शेतकरी राजा आपल्या मदतीची वाट पाहतो आहे.

म्हणून महोदय आपण शेतकऱ्यांच्या हिताचे निर्णय घेऊन दुष्काळामध्ये अडकलेल्या शेतकऱ्यांना न्याय मिळवून द्याल अशी विनंती जय विदर्भ पार्टीचे कोअर कमिटी सदस्य व चंद्रपूर जिल्हा प्रभारी सुदाम राठोड यांनी निवेदनाद्वारे मुख्यमंत्री उद्धव ठाकरे यांना केली आहे.यावेळी उपस्थित सचिन दरवे, निखिल डांगे,सचिन मेश्राम,अमर गाडगे,प्रज्वल वाघमारे,गीता मेश्राम,केवळराव अलोने,मुखास अलोने, प्रदीप राऊत,सचिन मेश्राम व जय विदर्भ पार्टीचे सदस्य उपस्थित होते. पंधरा दिवसांमध्ये शेतकऱ्यांना नुकसान भरपाई न मिळाल्यास जय विदर्भ पार्टी रस्त्यावर उतरून तीव्र आंदोलन करेल असा इशारा सुदाम राठोड यांनी दिला आहे.