एसीसी सिमेंट कंपनीच्या विरोधात आमरण उपोषण..!

(घुग्घुस प्रतिनिधी): घुग्घुस येथून जवळच असलेल्या सिमेंट नगर येथील एसीसी सिमेंट कंपनीच्या विरोधात विदर्भ जनरल लेबर युनियनने आमरण उपोषण करण्याच्या इशारा दिला आहे. कामगारांना पगार स्लिप, बोनस ऍक्ट 1965 प्रमाणे बोनस मिळणे, घरभाडे मिळणे, अनिकेत ढोले या कामगारला 39 दिवसाचा पगार मिळण्यासाठी व कामावरून बंद केल्यामुळे पूर्ववत कामावर  घेण्यासाठी दिनांक 15/12/2021 पासून एसीसी कंपनीच्या गेट समोर आमरण उपोषण करण्याचा इशारा विदर्भ जनरल लेबर युनियनचे अध्यक्ष डी. जी. लोहकरे यांनी एसीसी सिमेंट कंपनी व्यवस्थापनास निवेदनातून दिला आहे.

 एसीसी सिमेंट कंपनीतील कंत्राटदार विजय नागेश मारपल्ली  यांच्या कडे 40 पेक्षा जास्त कामगार काम करीत आहे. यातील 20 कामगारांना सुविधा मिळत असते परंतु 20 कामगारांना वरील सुविधा मिळत नाही. त्यामुळे कामगारांचे शोषण होत आहे. या अन्यायाच्या विरोधात अनिकेत ढोले या कामगाराने वरील सुविधा विचारली असता. अनिकेत ढोले, अमित मिलमीले, संदीप कामतवार यांना कामावरून कोणतीही नोटीस न देता बंद करण्यात आले. आता पर्यंत 39 दिवसाचा पगार दिला नाही. एसीसी सिमेंट कंपनीत 10 पेक्षा जास्त कंत्राटदार आहे यांच्या कडे काम करणाऱ्या अर्ध्या कामगारांना वरील सुविधा नाही आहे. तसेच पी.एफ.चा भष्ट्राचार करीत आहे.  त्यामुळे उपोषण करण्यात येणार आहे.