मनपा चंद्रपुर द्वारा कोविड-19 बाधित कचऱ्याच्या हलगर्जी व्यवस्थपणामुळे चंद्रपुर मनपा च्या कंत्राटी कामगारां सोबत सामान्य माणसाच्या जीवाला धोका :- सुनील रत्नाकर भोयर; संघटनमंत्री आप चंद्रपुर

चंद्रपूर (प्रतिनिधी) :- चंद्रपुर मनपाचे घंटागाडी घेऊन कचरा गोळा करणारे कंत्राटी कामगार नेहमीप्रमाणे आपले काम करीत आहेत. पण सध्याच्या कोव्हीड19 च्या दुसऱ्या लाटेतील महामारीमुळे बाधित झालेले रुग्ण व मृत्यूमुखी पडलेल्या रुग्णांना वापरण्यात येणाऱ्या वेगवेगळ्या हाईजिनिक उपकरणाचा कचरा,औषधांची पॅकेट कचरा,इंजेक्शनची खाली बोटल्सचा कचरा,स्लाईनचा कचरा,बोटल्स,पॅड कचरा, हॅन्डग्लोज कचरा,वापरलेल्या प्लास्टिक नळ्यांचा कचरा,वापरलेल्या PPE किट्स कचरा अशा सर्व प्रकारचा खाजगी कोविड19 व शासकीय कोविड19 रुग्णालयातील बाधित कचरा ... चंद्रपुर मनपाच्या दैनंदिन कचरा उचलणार्या गाड्यांमध्येच वाहून नेण्यात येत आहे हे महत्त्वाचे कोविड19 च्या बाधित रुग्णांचा कचरा वाहून नेण्यासाठी वेगळ्या प्रकारची गाडी वापरणे आवश्यक होते. पण उपरोक्त प्रकारचा सर्व कचरा डम्पिंग यार्ड मध्ये जमा केल्या जात आहे व तेथे भंगार जमा करणारे लोक,मोकाट जनावरांचा त्या कचऱ्याला स्पर्श होऊन ही लोक व जनावरे जनमानसात फिरत आहेत यामुळे सुद्धा कोविड19 च्या बाधितांची संख्या वाढन्याची शक्यता नाकारता येत नाही. कामगारांना सुद्धा सुरक्षा कवचाची व्यवस्था करून देणे गरजेचे होते. पण आयुक्त,महापौर चंद्रपुर मनपा चंद्रपुर ,बसलेले सत्ताधीश नगरसेवक यांनी ही व्यवस्था करणे आवश्यक होते. पण  चंद्रपुर मनपा तील भोंगळ कारभारामुळे या दैनंदिन कचरा गोळा करणाऱ्या कामगारांचे जीव धोक्यात टाकण्यात येत आहे. 

या कामगारांच्या जीविताला धोका पोहचू नये म्हणून आणि काम करतांना एखाद्या कामगाराचा मृत्यू झाल्यास त्याच्या परिवाराची आर्थिक स्थिती रुळावर राहावी म्हणून आम आदमी पार्टी चंद्रपुर चे संघटनमंत्री श्री सुनील रत्नाकर भोयर तसेच झोन 2 चे संयोजक श्री संदीप तुरक्याल आम्ही कोणत्याही कामगारांचें नाव न घेण्याच्या शर्तीवर खालील मागण्या आयुक्त, महापौर, मनपा चंद्रपुर यांना खालील मागण्यांचे निवेदन करीत आहोत.

1) कोविड19 चा कचरा उचलण्यासाठी दैनंदिन गाड्या न वापरता वेगळ्या गाड्यांची व वेगळ्या कामगारांची व्यवस्था करण्यात यावी.
2) कचरा गोळा करणार्या कंत्राटी कामगारांना संपूर्ण सुरक्षा किट देण्यात यावी.
3) संपूर्ण साफसफाई व  व कचरा उचलणार्या रेग्युलर व कंत्राटी कामगारांच्या आर्थिक सुरक्षेसाठी रुपये 25 लाखाचा विमा सुरक्षा कवच देण्यात यावे.
4) आणि शेवटी या सर्व साफसफाई व घंटागाडी कामगारांचे कायद्याने ठरविण्यात आलेले रुपये 15,000 ते 19,000 पर्यन्तचे पगार रेग्युलर देण्यात यावे.
  असे न झाल्यास आम आदमी पार्टी चंद्रपुर पक्ष्याचे संघटनमंत्री श्री सुनील रत्नाकर भोयर यांचे  मार्गदर्शन व नेतृत्वाखाली  उपरोक्त मागण्यां पूर्ण करण्यासाठी रस्त्यावर उतरून आंदोलन करण्यास मागेपुढे पाहणार नाही. असे पक्षाचे मीडिया प्रमुख श्री राजेश चेडगूलवार यांनी कळवले आहे. याप्रसंगी पक्षाचे श्री अजय डुकरे,श्री अशोक आनंदे,श्री राजू कुडे, श्री. सुखदेव दारुनडे ,श्री सिकंदर सांगोरे, श्री योगेश आपटे,श्री बबन कृष्णपल्लीवार,सौ देविका देशकर जोशी, सौ वर्षा सुनील भोयर,सौ वैशाली डोंगरे, श्री विनोद कुडकेलवार,श्री अवेज शेख, श्री शाहरूख शेख,श्री गिरीश राऊत, श्री भुवनेश्वर निंमगडे,श्री बशीर भाई पठाण ,श्री मधुकरराव साखरकर आणि श्री वामनराव नांदूरकर इत्यादींची उपस्थिती होती.