शिंदोला माईन्स पोस्ट ऑफिसच्या लिंक फेल मुळे ग्राहक त्रस्त..!

राजू गोरे (शिंदोला):  वणी तालुक्या पासून 40 किमी दूर असलेले शिंदोला माईन्स येथील पोस्ट ऑफिस सध्या मागील वीस दिवसापासून लिंक फेल च्या आजाराने ग्रस्त असून. यामुळे परिसरातील पोस्ट ऑफिस मध्ये येणाऱ्या लोकांचे कोणताही प्रकारचे व्यवहार पोस्टामार्फत होत नसून. याचा सर्व नागरिकांना खूप मोठा फटका बसत आहे .कारण पोस्टामार्फत अनेक लाभांच्या तसेच RD. EPF.SSA .SB अशा अनेक प्रकारच्या व्यवहारासाठी अनेक दिवस  ताटकळत राहावे लागते .अनेक चकरा माराव्या लागतात. त्यामुळे लोकांना वेळ आणि आर्थिक नुकसान सोसावे लागत आहे.

लोकांना विनाकारण त्रास सहन करावा लागत आहे.या संदर्भात पोस्टातील संबंधित अधिकाऱ्यांना विचारणा केली असता लिंक फेल आहे हे एकच उत्तर ग्राहकांना देण्यात येत आहे. लिंक फेल च्या समस्यांमुळे प्रभारी असलेले पोस्ट मास्तर यांना सुद्धा ग्राहकांचा अनाठायी त्रास सहन करावा लागत आहे. तरी संबंधित अधिकाऱ्यांनी या लिंक फेल ची लवकरात लवकर दखल घेऊन चालू करावी. अशी  शिंदोला या परिसरातील पोस्ट खातेदारांची मागणी आहे.