डॉक्टरसह स्टाफचे पोलिसांनी नोंदवले बयान गरोदर महिला मृत्यू प्रकरणाचा तपास.!

29जानेवारीच्या घटनेने पोलीस प्रशासन सक्रिय होऊन, तपास कार्य वेगाने करून ताकात पाणी किती हया शोध मोहिमेच्या वाटेवर जागृततेणे सरसावले गेले, या विषय डॉक्टरांनी केलेल्या चुकीच्या उपचार पध्दतीमूळेच मनीष धोटे याच्या पत्नीचा मृत्यू

यवतमाळ । दि.४: या प्रकरणी पोलिसांनी डॉ.बेलसरे यांच्यासह हॉस्पिटल मधील स्टाफचे गुरुवारी बयान नोंदवले असून संबंधीत कागदपत्र आणि सीसीटीव्ही फुटेज बाबत नोटीस देण्यात आली आहे. दुर्गा मनीष धोटे वय २२ वर्ष रा. शारदानगर, वडगाव असे मृत महिलेचे नाव आहे. शहरातील वडगाव परिसरात राहणाऱ्या मनीष धोटे याची पत्नी दुर्गा ही गरोदर असल्याने तीची ट्रीटमेंट डॉ. बेलसरे यांच्या रुग्णालयात सुरू होती. शनिवारी अचानक दुर्गा धोटे हिची प्रकृती खराब झाल्याने तीला पती मनीष धोटे याने नेहमीप्रमाणे डॉ. बेलसरे यांच्या रुग्णालयात उपचारार्थ दाखल केले. मात्र प्रकृती गंभीर असल्याने डॉक्टरांनी जिल्हा रुग्णालयात रेफर करण्याचा सल्ला दिला होता. जिल्हाशासकीय रुग्णालयात उपचार सुरू असतांनाच दुर्गा धोटे हीचा मृत्यू झाला. डॉ. बेलसरे यांनी केलेल्या चुकीच्या उपचार पद्धतीमूळेच पत्नी दर्गा हीचा मृत्यू झाल्याचा आरोप पती पती मनीष धोटे यांनी अवधुतवाडी पोलिस ठाण्यात तक्रार दिली होती. या तक्रारीचे गांभीर्य लक्षात घेता पोलिसांनी गुरुवारी डॉ. बेलसरे यांच्यासह रुग्णालयातील स्टाफने बयान नोंदविले.
तसेच या प्रकरणातील संबंधीत कागदपत्र आणि हॉस्पिटलमधील सीसीटीव्हीचे फुटेज मिळण्याबाबत नोटीस दिली आहे. या प्रकरणाचा पुढील तपास ठाणेदार मनोज केदारे यांच्या मार्गदर्शनाखाली सहायक पोलिस निरीक्षक स्वप्निल निराळे करीत आहे.