दबंगगिरी पोलिसांचा भ्रष्टाचार..

ठाणेदाराला धक्का देऊन पोलीस फरार, तपास सुरू.. 

भारतीय वार्ता : गोंडपिपरी शहरच्या  मुख्य मार्गावरील गांधी चौकात   मंगळवारी सायंकाळच्या सुमारास गडचिरोलीच्या लाचलुचपत प्रतिबंधक विभागाच्या पथकाने लाच स्विकारतांना एका होमगार्डला रंगेहाथ पकडले.या घटनेती मुख्य सुत्रधार असलेल्या पोलीसाला पकडले असता लाचलुचपत विभागाच्या अधिकारी यांना धक्का देत तो घटनास्थळावरून पसार झाला.सध्या हा पोलीस फरार असून पथक त्याच्या मागावर आहे.

गोंडपिपरी येथील  तरूण व्यवसायाने ट्रकचालक-मालक आहे.येथील पोलीस हवालदार देवेश कटरे याने तू दारूचा व्यवसाय करतो अशी तंबी देऊन तुझा  ट्रक आमच्या मार्गाने चालते.एखादया वेळी तुझ्यावर कार्यवाही करणार.तुझे ट्रक ठाण्यात लावणार.जर हे करायचे नसेल तर मला दहा हजार रूपये दे अशी मागणी केली.या पोलीस वागणुकीला त्रस्त  तरूणाने गडचिरोली येथील लाचलुचपत प्रतिबंधक विभागाकडे तक्रार दिली.

त्यानुसार सापळा रचून मंगळवारी  रात्री सात वाजताच्या पोलीस हवालदार देवेश कटरे याने आपल्या एका होमगार्ड असलेल्या सहकार्याला तरूणाकडून रक्कम स्विकारण्यास सांगितले.यावेळी रक्कम घेताच घटनास्थळी उपस्थित राहिलेल्या लाचलुचपत विभागाचे ठाणेदार यशवंत राऊत यांच्या पथकाने होमगार्डला रंगेहाथ पकडले.यावेळी हजर असलेल्या देवेश कटरे यालाही पकडण्यात आले.मात्र त्याने ठाणेदार राऊत यांना धक्का देत घटनास्थळावरून पळ काढला.राऊत यांनी दिलेल्या माहितीनुसार,सध्या पोलीस हवालदार देवेश कटरे हा फरार असून पोलीस पथकाकडून त्याचा शोध घेऊन कार्यवाही करण्यात यनार आहे. असे सांगून दोषीवर कार्यवाही केली जातील असे सांगून भ्रष्ट प्रणालीवर ब्रेक निर्माण केला असून जागृत युवकांनी तक्रारी देऊन त्याला आळा घालण्यासाठी सहकार्य करण्याचे आव्हान राहूत यांनी केले.