कोरोना लसीकरणाला वणीत प्रारंभ

वणी:  संपूर्ण देशात पसरलेल्या महामारीला आळा घालण्यासाठी वैज्ञानिकांनी शोधलेल्या कोविड लसीकरणाची सुरुवात येथील ग्रामीण रुग्णालयात करण्यात आली. येथील आरोग्य कर्मचारी नितीन खडतकर यांना सर्वप्रथम लस टोचून या अभियानाची सुरुवात करण्यात आली. 
  या प्रसंगी वणी विधानसभा क्षेत्राचे आमदार संजीवरेड्डी बोदकुरवार, उपविभागीय अधिकारी डॉ. शरद जावळे, वणी नगर पालिकेचे अध्यक्ष तारेंद्र बोर्डे, वणी पंचायत समितीचे सभापती संजय पिंपळशेंडे, भाजपाचे जिल्हा सरचिटणीस रवी बेलूरकर, जिल्हा परिषद सदस्य मंगलाताई पावडे, बंडूभाऊ चांदेकर, न.प. उपाध्यक्ष श्रीकांत पोटदुखे, न.प. आरोग्य सभापती मंजुषा झाडे, नारायण गोडे, रवी साल्पेकर, ग्रामिण रुग्णालयाचे अधीक्षक डॉ. भालचंद्र सुलभेवार येथील डॉक्टर वृंद व आरोग्य कर्मचारी उपस्थित होते. 
येथील ग्रामीण रुग्णालयात 120 लसी उपलब्ध झाल्या असून आरोग्य विभागातील ज्या 100  कर्मचाऱ्यांची नावे आली आहेत त्यांनाच आज कोविडची लस देण्यात येणार आहे. पहिल्या टप्प्यात आरोग्य विभाग त्यानंतर पोलीस विभाग त्यानंतर महसूल विभागातील अधिकारी व कर्मचाऱ्यांना लस देण्यात येणार आहे. 
संपूर्ण देशात या लसीकरणाची सुरुवात झाली आहे. त्यामुळे कोविड सारख्या विषाणूचा नायनाट करण्याची मोहीम सुद्धा या मार्गाने सुरू झाली आहे. आत्मनिर्भर भारत बनण्याच्या दिशेने भारताने टाकलेले हे एक महत्वपुर्ण पाऊल आहे. सम्पूर्ण जग मोठ्या आशळभूत नजरेने आपल्या देशाकडे पाहत असल्याचे प्रतिपादन आमदार संजीवरेड्डी बोदकुरवार यांनी येथील ग्रामीण रूग्णालयाच्या लसीकरण मोहिमेची सुरुवात फीत कापून करतांना केली. या प्रसंगी शहरातील गणमान्य व्यक्ती उपस्थित होते.