रोटरी क्लब व श्री स्वामीकृपा ट्रेडर्स वरोराचा  स्तुत्य उपक्रम

 श्री भाऊराव देऊळकर यांच्या ७५ व्या वाढदिवसानिमित्त ५ ० खेळाडूंना स्पोर्ट किट वितरण

खेमचंद नेरकर  (वरोरा) :  देशी खेळ खो -खो ला चालना मिळावी व खेळाडूंनी राज्य, राष्ट्रीय स्तरावर नाव कमवावे या उदात्त हेतूने येथील प्रशिक्षकांचे खेळाडू घडविण्याचे काम मागील अनेक दिवसांपासून अविरत सुरू आहे.  क्रिडा संकुलात खो - खो चे विनिमुल्य प्रशिक्षण केंद्र चालविले जाते. या प्रशिक्षणाचा लाभ तालुक्यातील खेळाडू घेतात. ग्रामीण खेळाडूंमध्ये गुणवंत्ता असूनही  हलाखीच्या परिस्थितीमुळे इतरांच्या तुलनेत मागे राहतात.

अशातच खो - खो खेळाडूंना स्पोर्ट किट नसल्याने इतरांच्या तुलनेत ते कमी पडतात, अशी खंत खो - खो प्रशिक्षकांनी सामाजिक कार्यकर्ते बंडू देऊळकर यांच्या कडे व्यक्त केली असता त्यांनी  यावर होकार दर्शविला. खेळाडूंची संख्या व माहिती जाणून घेतली. तदनंतर बंडू देऊळकर यांनी त्यांचे वडील माजी केंद्रमुख्याध्यापक भाऊराव देऊळकर यांच्या ७५ व्या वाढदिवसानिमित्त रोटरी क्लब वरोरा व श्री स्वामीकृपा ट्रेडर्स वरोरा यांच्या संयुक्त विद्यमाने रोटरी क्लबचे प्रांतपाल रोटे. रमेश मेहेर यांच्या अध्यक्षतेखाली व सह प्रांतपाल मुरली लाहोटी, रोटरी क्लबचे वरोरा अध्यक्ष  हिरालाल बघेले, सचिव बंडू देऊळकर, रोटरी क्लब वरोरा पदाधिकारी यांच्या प्रमुख उपस्थितीत वरोरा क्रिडा संकुल परिसरात ५० खेळाडूंना नुकतेच स्पोर्ट किटचे वितरण केले.

सामाजिक कार्यकर्ता बंडू देऊळकर यांनी मागच्या वेळेस आपल्या वाढदिवसानिमित्त गरीब, दलित - आदिवासी मुलामुलींसाठी नागपूरची शैक्षणिक सहल आयोजित करून दिली होती, हे विशेष. अध्यक्षीय भाषणात रमेश मेहेर यांनी भारतातील सर्वात लोकप्रिय व पारंपरिक  खेळ खो - खोच्या प्रगतीच्या दृष्टीने प्रशिक्षकांनी टाकलेल्या आदर्श पाऊलाबदद्ल व त्याला उत्कृष्ट दिलेल्या सहकार्याबद्दल खेळाडूंचे कौतुक केले. रोटरी सचिव बंडू देऊळकर यांच्या स्तुत्य उपक्रमाचीही प्रशंसा केली. या प्रसंगी खो- खो प्रशिक्षक सुधीर कुंभारे,जांभुळे सर, सचिन सायंकार, रोटेरियन पदाधिकारी व सदस्य इ.उपस्थित होते.