कोळसा तस्करी करणारा ट्रक शिरपूर पोलिसांच्या ताब्यात..!

देवानंद ठाकरे (घुग्घुस प्रतिनिधि): दिनांक 23/9/2021 रोजी रात्री 10 वाजता दरम्यान शिंदोला ते वणी मार्गांवरील आबई फाट्यावर शिरपूर पोलिसांनी कोळसा तस्करी करणारा आयशर ट्रक क्रं. एमएच 29 टी 1676 ला ताब्यात घेतले आरोपी चालक विशाल अशोकराव वैद्य (31) रा. जुना वागदरा ता. वणी जि. यवतमाळ यास अटक केली कलम 379 (34) गुन्हा नोंद करण्यात आला आहे. ट्रक किंमत 5 लाख रुपये 5 टन अवैध कोळसा किंमत 50 हजार असा एकूण 5 लाख 50 हजार मुद्देमाल जप्त करण्यात आला आहे यातील मुख्य सूत्रधार व इतर फरार आहे. ही कारवाही सहा. पो. नि. सचिन लुले व पोलीस पथकाने केली.

वेकोली खाणीच्या कोलगाव ओबी डम्पिंग वरून ए ग्रेडचा कोळसा ओबीच्या ठिकाणी डम्पर ऑपरेटरच्या आशीर्वादाने कोळसा डम्प केला जात आहे ओबीच्या आडमध्ये चिखली गावातील मजुरा कडून कोळसा जमा करून वणी येथील एका कोळसा प्लाट धारकाला विकला जातो व या प्लाट वर खाली केलेला कोळसा मोठया दारात दुसऱ्याला विकला जातो कोळसा तस्करीचा प्रकार मागील एका महिण्यापासून सर्रास पणे सुरु आहे हा कोळसा तस्करीचा ट्रक पकडल्याने कोळसा तस्करीचा प्रकरण उजेडात आले आहे.