चंद्रपूर जिल्हा महिला व युवती पतंजली समिती तर्फे भिवापूर वार्डांत योग वर्गाचा समापन समारंभ संपन्न.

नौशाद शेख (जिल्हा चंद्रपुर विशेष प्रतिनिधि) घुग्गुस: चंद्रपूर जिल्हा महिला व युवती पतंजली समिती आणि भिवापूर वार्ड संयुक्त महिला बचत गट यांच्या संयुक्त विद्यमाने 2 जानेवारी ते 7 जानेवारी 2022 या दरम्यान योगा वर्गाचे आयोजन करण्यात आले. या योगा वर्गाचा समापन समारंभ जिल्हा योग आयुर्वेदाचार्य मोहनजी मसराम सर,जिल्हा महिला पतंजली समिती प्रभारी सौ.स्मिता रेभनकर, जिल्हा महामंत्री सौ.अर्पणा चिडे, सौ.मनीषा गौरकार, युवती जिल्हा प्रभारी कु.दोशल चिडे, अंजुषा दलाल, छाया कोयालवार शिबिराच्या संयोजिका सौ. वर्षा करमरकर आदी मान्यवरांच्या उपस्थितीत पार पडला. या प्रसंगी सर्व मान्यवर पाहुण्यांचे स्वागत करण्यात आले.या शिबिरात उपस्थित नागरिकांना भस्त्रिका, कपालभाती,अनुलोमविलम या योग प्रात्यक्षिकासह 12 प्रकारचे सूर्य नमस्कार व विविध प्रकारच्या आसनांचे धडे देण्यात आले. कार्यक्रमाच्या यशस्वितेकरीता गजानन करमरकर, दीपक कटकोजवार यांनी परिश्रम केले.