अन्न औषधी विभागातील Cctv कॅमेरा चेक केल्यास अधिकारी व सुगंधित तंबाखू माफियांचे काय साटेलोटे आहे ते पुढे येणार :- सर्वसामान्याची मागणी

अन्न औषधी विभाग म्हणजे पूर्ण भ्रष्ट विभाग काय?  चंद्रपूर जिल्हा पोलीस अधीक्षक या तंबाखू माफियांसाठी की सर्वसामान्यांसाठी? 

उमेश तपासे(चंद्रपूर-जिल्हा-प्रतिनिधी ) : सुगंधित तंबाखू विक्रेत्याची सेटिंग ही अन्न औषधी विभागातच नसून पोलीस अधीक्षक व जिल्हातील संपूर्ण पोलीस प्रशासनाशी असून या केमिकल युक्त सुगंधित तंबाखू विक्रेत्यांना अभय या शासन प्रशासन दरबारी देत असल्याची ओरड चंद्रपूर जिल्हात होत आहे. अन्न औषधी विभाग व पोलीस प्रशासनातील अधिकारी व कर्मचारी यांच्या मोबाईल मधून कॉल रेकॉर्ड चेक करण्यासोबत आता या विभागातील Cctv कॅमेरा चेक केल्यास अधिकारी व सुगंधित तंबाखू माफियांचे काय साटेलोटे आहे ते पुढे येण्याची शक्यता चंद्रपूरकर वर्तवताना दिसून येत आहे.

मागील अनेक वर्षांपासून सुगंधित तंबाखू विक्रेता  व अन्न औषधी विभाग यांचे मधुर संबंध येथील जनतेला माहित असून या भ्रष्ट अधिकारी व कर्मचारी यांच्यावर कार्यवाई केव्हा होणार देव जाने पण यांच्या भोंगळ कारभारामुळे मात्र युवा पिढी चे भवितव्य धोक्यात असल्याचे या विदर्भात दिसून येत आहे.