वर्धा नदीपात्रात बुडालेल्या युवकाचा शव पाण्याबाहेर काढण्यात चंद्रपूर रेस्क्यू पथकाला यश आले आहे.

देवानंद ठाकरे (घुग्घुस प्रतिनिधि) : चंद्रपूर तालुक्यातील नकोडा परिसरातील वर्धा नदी पात्रात अंघोळीसाठी गेलेला प्रफुल कोंकट युवक काल सोमवारी बुडल्याची घटना घडली होती. त्यानंतर दिवसभर रेस्क्यू पथकाने नदीपात्रात शोधमोहीम राबविली. मात्र त्याचे शव कुठेही आढळून आले नव्हते.दरम्यान आज मंगळवारी चंद्रपूर रेस्क्यू पथकाने सकाळी नदीपात्रात शोधमोहीम राबवली आणि शव पाण्याबरोबर काढले.

प्रफुल कोंकट हा युवक आपल्या आई व बहिणीसोबत नकोडा येथील राम मंदिर परिसरात असलेल्या वर्धा नदीवर गेला होता. अशातच तो पाण्यात उतरला, मात्र पाण्याचा अंदाज न आल्याने तो पाण्यात बुडाला.दरम्यान गावकऱ्यांनी पोलीस विभागाला माहिती देत पोलिसांनी तात्काळ शोध मोहीम राबवली. दरम्यान त्याचा शोध लागला नव्हता.अशातच आज मंगळवारी सकाळी बोट च्या साहाय्याने रेस्क्यू पथकाने शोध घेऊन मृतदेह पाण्याबरोबर काढला. व जिल्हा सामान्य रुग्णालयात शव विच्छेदनासाठी पाठविण्यात आले. यावेळी बोट चालक अशोक गरगेलवार,मंगेश मत्ते,वामन नक्षीने,गिरीश मरापे,उमेश बनकर आदींचा या शोध मोहिमेत समावेश होता.