*चंद्रपूर जिल्ह्यातील औद्योगिक कंपन्यांमुळे होणारे प्रदूषण कमी करून संबंधित अधिकारी व कंपन्यांवर कार्यवाही करावी :आपचे युवा जिल्हाध्यक्ष राजु कुडे यांची केंद्रीय पर्यावरण मंत्री भूपेंद्र यादव यांचाकडे तक्रार.*

*चंद्रपूर जिल्ह्यातील औद्योगिक कंपन्यांमुळे होणारे प्रदूषण कमी करून संबंधित अधिकारी व कंपन्यांवर कार्यवाही करावी :आपचे युवा जिल्हाध्यक्ष राजु कुडे  यांची केंद्रीय पर्यावरण मंत्री भूपेंद्र यादव यांचाकडे तक्रार.*

✍️दिनेश झाडे

 चंद्रपूर

चंद्रपूर:-चंद्रपूर जिल्हा हा औद्योगिक जिल्हा म्हणून ओळखला जातो. येथे अनेक नवीन उद्योग आणि कंपन्या स्थापन झाल्या आहेत. तथापि, या कंपन्यांमुळे जिल्ह्यात प्रदूषणाचा मोठ्या प्रमाणावर विस्तार होत आहे. औद्योगिक कंपन्यांवर कोणतेही प्रभावी नियंत्रण दिसत नाही. परिणामी, येथील मानवी जीवनावर आणि आरोग्यावर घातक परिणाम होत आहेत. कॅन्सर, चर्मरोग, हार्ट अटॅक यांसारख्या गंभीर आजारांचे प्रमाण जिल्ह्यात वाढले आहे. प्रदूषण नियंत्रण मंडळ या परिस्थितीकडे दुर्लक्ष करत आहे, हे दुर्दैवी आहे.

**प्रदूषण करणाऱ्या प्रमुख कंपन्या:**

1. त्रिवेणी अर्थ मूव्हर्स सुरजागढ

2. गोपानी स्टील

3. धारिवाल पावर प्लांट

4. चंद्रपूर औष्णिक विद्युत केंद्र (CSTPS)

5. मल्टी ऑर्गेनिक

6. अंबुजा सिमेंट

7. अल्ट्राटेक सिमेंट

8. लॉयड्स मेटल

या कंपन्यांमुळे जिल्ह्यातील जनजीवन विस्कळीत झाले आहे. यावर तातडीने कारवाई करण्याची गरज आहे.

**राजु कुडे यांच्या मागण्या:*

1. जिल्ह्यात प्रदूषण कमी करण्यासाठी प्रभावी उपाययोजना राबवाव्यात.

2. संबंधित औद्योगिक कंपन्यांवर पर्यावरणीय नियमांचे काटेकोर पालन करण्यासाठी सक्त कारवाई करावी.

3. प्रदूषण नियंत्रण मंडळाच्या कार्यप्रणालीची चौकशी करून दोषी अधिकाऱ्यांवर कठोर कारवाई करावी.

4. जिल्ह्यातील नागरिकांच्या आरोग्यासाठी विशेष आरोग्य शिबिरे आयोजित करावीत आणि प्रदूषणमुक्त पर्यावरणासाठी ठोस योजना आखाव्यात.

चंद्रपूर जिल्ह्यातील वाढत्या प्रदूषणाला रोखण्यासाठी तातडीने कठोर पावले उचलावीत. औद्योगिक कंपन्यांवर नियंत्रण आणून, संबंधित अधिकारी व कंपन्यांविरोधात कारवाई करण्यात यावी. यामुळे जनतेचे जीवनमान उंचावेल आणि आरोग्याचा समस्या कमी होतील असे मत आपचे राजु कुडे यांनी केंद्रीय मंत्री भूपेंद्र यादव यांना दिलेल्या निवेदनातून व्यक्त केले यावेळेस आप चे जिल्हाध्यक्ष मयूर राईकवार, युवा जिल्हाध्यक्ष राजु कुडे, युवा सचिव आदित्य नंदनवार, शहर युवा अध्यक्ष रोहन गंजेवार इत्यादी उपस्थित होते.