कोरपणा तालुक्यात खाजगी शाळा कडून पालकांची वारेमाप लूट

कोरपणा तालुक्यात खाजगी शाळा कडून पालकांची वारेमाप लूट

✍️दिनेश झाडे

चंद्रपूर जिल्हा प्रतिनिधी

कोरपना :- चंद्रपूर जिल्ह्यातील  शेवटच्या टोकावर असलेल्या कोरपणा तालुक्यात मोठ्या प्रमाणात खाजगी शाळा उद्यास आल्या आहेत शिक्षण विभागाचे याकडे अक्षभ्य दुर्लक्ष होत असल्याने मनमानी पद्धतीने शुल्क आकारून पालकांची लूट सुरु आहेत खाजगी शाळेवर कुणाचेही अंकुश राहिले नसल्यामुळे या शाळांनी आपली दुकानदारी सुरु केली आहेत शालेय साहित्य, वह्या, पुस्तके,गणवेश, बूट,ट्युशन,प्रवास भाडे,यासह इत्तर विविध प्रकारचे शुल्क आकारून पालकांची वारेमाप लूट सुरु आहेत इंग्रजी माध्यमाच्या शाळेत प्रवेश घेण्याचा पालकांचा कल असला तरी सिबिएसई व स्टेट बोर्डाच्या शाळांच्या शुल्कचा आकडा एकूणच पालकांच्या मनात धडकी भरत आहे गेल्या काही वर्षात कोरपना तालुक्यात खाजगी शाळेचा हब बनत असल्याने सिबिसई सह स्टेट बोर्डाच्या नवीन शाळा सुरु झाल्या आहे घरापासून जवळच्या शाळांना पालक प्राधान्य देतात मात्र दर्जेदार शिक्षणाच्या नावाखाली खाजगी शाळानी लाखो रुपयाची वसुली करून शिक्षणाचा बाजार मांडला आहे तालुक्यातील काही शाळांच्या नर्सरी,केजी, पहिली,आणि त्यापुढील इयतेच्या शुल्कचा आकडा पालकांचा ताण वाढवीणारा आहेत

एकीकडे जिल्हा परिषदेच्या शाळांना सोयीसुविधा दिल्या जात नसल्याने खालवलेला शैक्षणिक दर्जा तर दुसरीकडे खाजगी शाळांचा शुल्क अव्वा च्या सव्वा यामुळे तालुक्यातील पालकांची कोंडी झाली आहे राज्य सरकाने खाजगी शाळांना शुल्कची मर्यादा ठरवून द्यावी अतिरिक्त शुल्क आकरणाऱ्यांना दंडासह कारावसाची तरतूद करून या धोरणाची अंमलबजावणी करावी अशी मागणी पालक वर्गातून होत आहेत

(बेकायदेशीर रित्या आकारले जाते अतिरिक्त शुल्क )

दरवर्षी शाळेच्या शुल्कांमध्ये वाढ होत आहे पहिली ते दहावी पर्यंतच्या  शाळेच्या दरपत्रकाचा आराखडाच पालकांना दिला जातो सीबीएसई, स्टेट बोर्डाच्या शाळांच्या शुल्कांवर सरकारचे नियंत्रण नाही शिक्षण विभागाकडूही कारवाई होत नसल्याने वेळेवर शुल्क न दिल्यास निकाल थांबवणे किव्हा शाळेत बसू दिल्या जात नसल्याची ओरड पालक वर्गातून होत असून यामुळे विद्यार्थ्यांचे शैक्षणिक नुकसान होत आहे

वया, रजिस्टर, बुक, बूट, गणवेश, व बॅग सुद्धा एक एजेंट नेमून  अमक्या दुकानातून शालेय साहित्य खरेदी कराच्या सूचना पालकांना काही खाजगी शाळेकडून दिल्या जात असल्याने याचे काही लागे बांधे असल्याची शंका पालकांतून व्यक्त होत आहेत