*अवैध धंद्याना ऊत.आमदार साहेब.तिन तेरा वाजले. सामाजिक स्वास्थ्य बिघडले*

*अवैध धंद्याना ऊत.आमदार साहेब.तिन तेरा वाजले. सामाजिक स्वास्थ्य बिघडले*

✍️दिनेश झाडे

चंद्रपूर जिल्हा प्रतिनिधी

कोरपना: - तेलंगणा राज्य व यवतमाळ जिल्ह्याच्या सीमेवरील, शेवटचे तालुका स्थळ असलेल्या, कोरपना येथील पोलीस ठाण्याच्या हद्दीत मोठ्या प्रमाणात नारंडा. पारडी. कोरपना‌. येथे अवैध धंदे वाढले आहे. परंतु यावर आर्थिक मधुर संबंधापोटी दुर्लक्ष होत असल्याची तालुका भरात खमंग चर्चा आहे.प्राकृतिक दृष्ट्या अतिदुर्गम व मागास भाग असल्याने कोरपना परिसराकडे पाहिजे तसे वरिष्ठ पातळीवरील अधिकाऱ्याचे लक्ष राहत नाही. या पुरेपूर संधीचा फायदा घेत परिसरात अनेक अवैध धंदे बोकाळले आहे. यातच गुन्हेगारी प्रवृत्तीने मोठ्या प्रमाणात जोर काढला आहे. यामध्ये या व्यवसायिकाकडून मुजोरी होत असल्याने सर्वसामान्य जनता त्रस्त झाली आहे. ठाणे हद्दीत अवैध दारू विक्री , सट्टापट्टी ,मटका ,जनावर तस्करी, भंगार चोरी , विविध अमली पदार्थांच्या तस्करी , कोंबड बाजार , चोरट्या वाहतुकी तसेच चोरीच्या घटनातही लक्षनिय वाढ झाल्याचे दिसून येते. तसेच दाखल झालेल्या विविध गुन्ह्याच्या तपासातही कासवगती दिसून येते.

*रस्त्यावरच उभी असतात वाहने*

कोरपना ठाणे हद्दीतील दालमिया सिमेंट चौपाटी, कोरपना बस स्थानक, नारंडा फाटा येथे रस्त्यावरच वाहने उभी राहतात.यामुळे वाहतुकीला मोठ्या प्रमाणात अडथळा होतो आहे. परंतु याची व्यवस्था लावण्यात पोलीस प्रशासन अपयशी ठरले आहे.

*सीसीटीव्ही यंत्रणा व दूरध्वनी बंद*

कोरपना पोलीस ठाण्यांतर्गत कोरपना शहरात सीसीटीव्ही यंत्रणा लावण्यात आली आहे. परंतु ती नादुरुस्त पडली आहे. त्यामुळे शहरावर लक्ष ठेवणारा तिसरा डोळाच सद्यस्थितीत बंद आहे. विशेष म्हणजे मागील अनेक वर्षापासून पोलीस ठाण्याचा दूरध्वनी बंद आहे. त्यामुळे एखादी महत्त्वाची घटना घडल्यास कशी माहिती द्यायची व संपर्क साधाचा यावर प्रश्नचिन्ह  उभे आहे. यावर वरिष्ठ अधिकाऱ्याचे होणारे दुर्लक्ष सुद्धा तेवढेच कारणीभूत आहे.