*राजुरा विधानसभा क्षेत्रात हजारो बोगस मतदार : भुषण फुसे यांनी पाठविले निवडणूक आयोगाला निवेदन*

*राजुरा विधानसभा क्षेत्रात हजारो बोगस मतदार : भुषण फुसे यांनी पाठविले निवडणूक आयोगाला निवेदन*

✍️दिनेश झाडे

चंद्रपूर जिल्हा प्रतिनिधी

कोरपना:-चंद्रपूर जिल्हात ६२ मतदान केंद्रावर हजारो बोगस मतदारांची ऑनलाइन नोंदणी झाली आहे. ऑनलाईन नोंदणी झालेले हे सर्व मतदार परप्रांतीय आहेत. निवडणूक आयोगाच्या प्राथमिक चौकशीदरम्यान या मतदार नोंदणीतील अनियमितता उघडकीस आली आहे. हजारो परप्रांतीयांची नावे, खोटा मोबाईल क्रमांक व बनावट पत्ते आणि जन्मतारीख या नोंदवलेल्या मतदार यादीत आढळून आले आहेत. बहुतांश ऑनलाईन अर्ज रात्री १२.०० वाजताच्या नंतर भरण्यात आले आहेत. चर्चेनुसार गडचांदूर येथील एका कार्यालयात आजूबाजूच्या गावातील काही युवकांना पाचशे रुपये प्रतिदिन याप्रमाणे मजुरी देऊन, मतदाराची बोगस नावे, त्यांचे आधार क्रमांक, चुकीचा मोबाईल क्रमांक व ओटीपी पुरवून अर्ज भरायला लावले असल्याची चर्चा आहे. वेबसाईटवर फोटो अपलोड करण्याच्या ठिकाणी भिंतीचा फोटो व आधार अपलोड करण्याच्या ठिकाणी भिंतीचाच फोटो अपलोड करण्यात आला आहे. त्यामुळे ऑनलाइन उपलब्ध झालेल्या यादीमध्ये बोगस मतदाराचा फोटो उपलब्ध नाही. कोरपना तालुक्यातील गडचांदूर, कोरपना, लखमापूर, नांदा, बिबी, बाखर्डी, आवाळपूर, उपरवाही या मोठ्या गावांमध्ये मोठ्या प्रमाणात बोगस नावांची नोंद झालेली आहे.हा गंभीर प्रकार असून निवडणूक प्रक्रिया प्रभावित करणारा आहे, त्यामुळे बोगस मतदार शोधून त्यांच्यावर कार्यवाही करण्याची मागणी सामाजिक कार्यकर्ते भूषण फुसे यांनी निवडणूक आयोगाला पाठविलेल्या निवेदनातून केली आहे