*मतांची झाली कडकी म्हणून बहीण झाली लाडकी - भूषण फुसे* *एकीकडे वीजबिल व जीवनावश्यक वस्तूंचे भाव वाढवायचे व दुसरी कडे बहिणींना मतांसाठी आमिष दाखवायचे* *आठवडी बाजारात हातात फलक घेऊन वेधले लोकांचे लक्ष - भाजप, काँग्रेस एकाच माळेतील मणी*

*मतांची झाली कडकी म्हणून बहीण झाली लाडकी - भूषण फुसे*

*एकीकडे वीजबिल व जीवनावश्यक वस्तूंचे भाव वाढवायचे व दुसरी कडे बहिणींना मतांसाठी आमिष दाखवायचे*

आठवडी बाजारात हातात फलक घेऊन वेधले लोकांचे लक्ष - भाजप, काँग्रेस एकाच माळेतील मणी

✍️दिनेश झाडे

चंद्रपूर जिल्हा प्रतिनिधी

राजुरा:-लोकसभा निवडणुकीमधील दारूण पराभवानंतर महायुती सरकारने राज्यात विविध योजनांची घोषणा केली आहे. प्रशिक्षणार्थी विद्यार्थ्यांना भत्ता  देण्यापासून ते मुलींना मोफत शिक्षण, महिलांना लालपरी मध्ये प्रवास सवलत देण्यापर्यंतच्या योजनांची घोषणा केली आहे. याशिवाय लाडकी बहीण योजनेचीही घोषणा केली आहे. या योजने अंतर्गत महिलांना 1500 रुपये दरमहा देण्यात येत आहेत. काँग्रेसने हि ८ हजार ५०० रुपये दर महिन्याला खटाखट देण्याचे आमिष दिले होते. भाजप, काँग्रेसच्या या योजना निवडणुकीचे आमिषा पर्यंत मर्यादित असून मतांची झाली कडकी म्हणून बहीण झाली लाडकी अशी खोचक प्रतिक्रिया सामाजिक कार्यकर्ते भूषण फुसे यांनी केली आहे. काँग्रेसचे सुद्धा काही राज्यात सरकार आहे काँग्रेस ने त्यांच्या राज्यात  ८ हजार ५०० रुपये दर महिन्याला खटाखट वाली योजना का नाही सुरू केली असा टोलाही फुसेनीं लगावला.

शनिवार २८ सप्टेंबर ला सायंकाळी आठवडी बाजारात सामाजिक कार्यकर्ते भूषण फुसे यांनी मतांची झाली कडकी म्हणून बहीण झाली लाडकी असे आठवडी बाजाराच्या दिवशी हातात फलक घेत लोकांचे लक्ष वेधून घेतले. फुसे यांच्याशी व्यावसायिक व लोकांनी सुद्धा संवाद साधला. बाजारात आलेले गिऱ्हाईक व व्यावसायिक हातात फलक घेऊन शांतपणे उभे असलेल्या सामाजिक कार्यकर्ते भूषण फुसे सर्वांचे लक्ष वेधून घेत होते. भूषण फुसे यांच्या कार्यकर्त्यांनी बाजारात जनजागृतीपर पत्रके सुद्धा वाटली. भूषण फुसे यांच्या जनजागृतीपर समाजकार्याने मतदार जागा होत असून येणाऱ्या निवडणुकीत प्रस्थापित नेत्यांचे धाबे दणाणणार आहे एवढे मात्र नक्की.