*आरती सुर्यवंशी यांच्या हत्ये प्रकरणातील आरोपीने केली पोलीस कस्टडीत आत्महत्या*

*आरती सुर्यवंशी यांच्या हत्ये प्रकरणातील आरोपीने केली  पोलीस कस्टडीत आत्महत्या*

राजेश येसेकर भद्रावती /वरोरा

भद्रावती / चंद्रपूर : वरोरा तालुक्यातील आनंदवन येथिल २५ वर्षीय तरुणीच्या खून प्रकरणात अटक करण्यात आलेल्या समाधान माळी (२५) या आरोपीची गळफास घेऊन आत्महत्या केल्याने एकच खळबळ उडाली आहे.वरोरा पोलीस स्टेशनच्या लॉकअप मध्येच आज सकाळी ८.३० च्या दरम्यान बुटाच्या लेस ने गळफास घेऊन आत्महत्या केल्याची प्राथमिक माहिती मिळत आहे , आरोपी ४ जुलै पर्यंत सात दिवसांच्या  पोलीस कोठडीत होता. आरती चंद्रवंशी या तरुणीची बुधवारी घरात शिरून आरोपीने हत्या केली होती. प्रेमप्रकरणातील अविश्वासातून हा खून झाल्याचा संशय होता. खुनाच्या आरोपाखाली पोलिसांनी समाधान गुरुवारी संध्याकाळी अटक केली होती. आरोपीने लॉकअप मध्ये आत्महत्या केल्याने पोलीस दलात मोठी खळबळ उडाली असून पोलीस अधीक्षक मुमक्का सुदर्शन यांच्या सह वरोरा तहसीलदार देखील प्रकरणाच्या तपासासाठी पोलीस स्टेशनमध्ये दाखल झाले आहेत.या आत्महत्या प्रकरणातील बरेच प्रश्न अनुत्तरीत असून या घटनेचा  पुढील तपास पोलीस यंत्रणा  करीत आहे.अजून पर्यंत अधिकृतरित्या पत्रकारांना माहिती मिळाली नसून शव विच्छेदनासाठी वरोरा किंवा चंद्रपूर रुग्णालयात शेव नेण्यात येणार असल्याचे कळले.