*जिल्हयातील घरकुल लाभार्थ्यांना प्रलंबित हप्ते तातडीने द्या : आमदार सुभाष धोटेंची मागणी*

*जिल्हयातील घरकुल लाभार्थ्यांना प्रलंबित हप्ते तातडीने द्या : आमदार सुभाष धोटेंची मागणी*

✍️दिनेश झाडे

चंद्रपूर जिल्हा प्रतिनिधी

राजुरा :-चंद्रपूर जिल्ह्य़ातील अनेक तालुक्यांसह राजुरा विधानसभा क्षेत्रातील राजुरा, कोरपना, जिवती व गोंडपिपरी या तालुक्यात मोठया प्रमाणात इतर मागासवर्गीय नागरिक कुटुंबांसह वास्तव्यास असून यातील अनेक कुटुंबांची आर्थिक परिस्थिती अंत्यत हलाकीची आहे. अशा नागरिकांना शासनाच्या वतीने प्रधानमंत्री आवास योजना, अनुसूचित जमाती प्रवर्गासाठी शबरी आवास योजना, अनुसूचित जाती प्रवर्गातील नागरिकांसाठी रमाई आवास योजनेंतर्गत तसेच इतर योजनेतून घरकुल मंजूर करून दिलेत. मात्र शासनाकडून घरकुल बांधकाम करण्यासाठी मिळणारे अनुदान पहिलेच तुटपुंजे असताना लाभार्थ्यांच्या बँक खात्यात जमा होणारे हप्ते मिळत नसल्याचे निदर्शनास आले. विविध योजनेतील अनेक लाभार्थ्यांचे घरकुल बांधकामाचे हप्ते कित्येक दिवसांपासून प्रलंबित आहेत याकडे शासनाचे अक्षम्य दुर्लक्ष होत आहे.शासन प्रशासनाच्या अनास्थेमुळे अनेक लाभार्थ्यांचे घरकुलांचे बांधकाम अर्धवट असून बांधकाम साहित्य घेण्यासाठी आर्थिक अडचन निर्माण होत आहे. घरकुलाचे बांधकाम करण्यासाठी लाभार्थ्यांला बचत गट किंवा पतसंस्थेतून कर्ज घ्यावे लागत आहे. अनेक घरकुल लाभार्थ्यांच्या घराची कामे पूर्णत्वास येत आहेत. मात्र लाभार्थ्यांना अजूनही घरकुल बांधकामाची रक्कम मिळालेली नाही. अनेकांनी शेतीमधुन थोडेफार होनाऱ्यां उत्पनाच्या किंवा उसनवारीच्या माध्यमातून घराची कामे पूर्ण केलेली आहे. त्यामुळे गोरगरीब नागरिकांना सध्यास्थितीत शासनाकडून मिळणाऱ्या लाभाची अत्यंत आवश्यकता आहे. तरी चंद्रपूर जिल्ह्यातील सर्व तालुक्यांसह राजुरा, कोरपना, जिवती व गोंडपिपरी तालुक्यातील घरकुल लाभार्थ्यांचे घरकुल बांधकामाचे हप्ते तातडीने त्यांच्या खात्यामध्ये जमा करण्यात यावे अशी मागणी आमदार सुभाष धोटे यांनी जिल्हा मुख्य कार्यपालन अधिकारी, जि. प चंद्रपूर यांच्याकडे निवेदनाद्वारे केली आहे.