*प्रतिभाताईंच्या विजयामुळे कार्यकर्ते आणि जनतेचा उत्साह गगनाला : रंजन लांडे*

*प्रतिभाताईंच्या विजयामुळे कार्यकर्ते आणि जनतेचा उत्साह गगनाला : रंजन लांडे*

दिनेश झाडे

चंद्रपूर जिल्हा प्रतिनिधी

राजुरा:-चंद्रपूर १३ लोकसभा मतदार संघाच्या इंडिया तथा महाविकास आघाडी समर्थित भारतीय राष्ट्रीय कांग्रेसच्या अधिकृत उमेदवार श्रीमती प्रतिभाताई बाळूभाऊ धानोरकर यांच्या प्रचारार्थ प्रतिभाताईंनी अतिशय शिस्तबद्ध आणि वेगवान रणनिती आखली होती. जिल्हाध्यक्ष लोकप्रिय आमदार सुभाषभाऊ धोटे यांनी त्यांना अनमोल साथ देऊन कानाकोपरा पिंजून काढला. गाव ते शहर स्तरातील काँग्रेससह इंडिया तथा महाविकास आघाडी च्या सर्व घटक पक्षातील कार्यकर्त्यांनी प्रचंड परिश्रम घेतले. समाजातील सर्व स्तरातून प्रतिभाताईंना व्यापक जनाधार मिळून त्या प्रचंड बहुमताने विजयी होतील हे जवळपास निश्चित होते. आणि आजच्या निकालात ते सत्य ठरले. प्रतिभाताई धानोरकर यांच्या विजयामुळे नेते, पदाधिकारी, कार्यकर्ते आणि सर्वसामान्य जनतेचा आनंद गगनात मावे ना असा झाला आहे. ताईंचे आणि सर्व मतदार, नेते, पदाधिकारी, कार्यकर्ते यांचे हार्दिक अभिनंदन, आभार, पुढील वाटचालीस शुभेच्छा अशी प्रतिक्रिया राजुरा काँग्रेसचे तालुकाध्यक्ष रंजन लांडे यांनी दिली आहे.