मार्डा डॅम जवळ पोहण्यासाठी गेलेल्या १४ वर्षीय अविनाश राऊत यांचा दुर्दैवी मृत्यू. वर्धा नदी पात्रावरील दांडगाव येथील घटना

मार्डा डॅम जवळ पोहण्यासाठी गेलेल्या १४ वर्षीय अविनाश राऊत यांचा दुर्दैवी मृत्यू.

वर्धा नदी पात्रावरील दांडगाव येथील घटना

राजेश येसेकर भद्रावती/ वरोरा

वरोरा : येथील रहिवाशी असलेल्या मानस राऊत  याचा वर्धा नदीपात्रात बुडून दुःखद निधन झाल्याची दुःखदाय घटना काल  दुपारी घडली आहे.वरोरा यात्रा वार्ड येथील मानस व त्याचे दोन मित्र सकाळी हॉलीबॉल खेळण्यासाठी गेले होते. यानंतर त्यांनी मार्डा डॅम जवळील भागात पोहण्याचा बेत आखला  तिनही मित्र सायकलने मार्डा डॅम जवळील ,दांडगाव रोड नदीपात्रात पोहण्यासाठी गेले. मानस व त्याचे मित्र वयाने लहान असून पोहणे सुद्धा बरोबर येत नव्हते. तीनही मित्रांनी पाण्यामध्ये उतरून पोहण्याचा प्रयत्न केला. पाण्याचा अंदाज न आल्याने मानस खोल पाण्यामध्ये गेला. या ठिकाणी वाळू तस्करांनी मोठ्या प्रमाणात वाळूचे मोठेखड्डे तयार केले आहे. यामध्ये मोठ्या प्रमाणात पाणी असल्याने या खड्याचा अंदाज न आल्याने मानस अविनाश राऊत वय १४ वर्ष , पाण्यात बुडून दुर्दैवी अंत झाला. घाबरलेल्या अवस्थेत दोन्हीही मित्रांनी सायकल पकडून घरचा रस्ता पकडला.मित्रांनी हा सगळा प्रकार घरी येऊन सांगितला . त्यानंतर शोधा शोध सुरू झाली. मित्रपरिवार व आई वडील मानसच्या शोधात वर्धा नदीपात्रात येऊन पोहोचले. यानंतर वरोरा पोलीस व मारेगाव पोलीस यांना पाचारण करण्यात आले. यानंतर मृतदेह मालेगाव येथे शवविच्छेदनासाठी नेण्यात  आला. मानसच्या या दुर्दैवी मृत्यूमुळे परिसरात शोककळा पसरली आहे.