रडू नकोस भीमाई, माऊली माय.

रडू नकोस भीमाई, माऊली माय.

नको रडूस भीमाई,  माऊली माय,तुझ्या लेकरांनी, केलाय प्रमाद काय ,

मार्गाने तथागतांच्या, चालली हाय,तुझ्याच कृपेने दिवसें दिवस,प्रगतीची पाऊले पुढे पुढे जाय.!

फकस्त राजकारण्यांनी केलाय घात,निवडणुकीत होतेय चौफेर मात,सगळे हसून, डीवचतात गटबाजीला,"स्वताचे झाकून, बघताहेत वाकून"सगळेच आम्हाला.!

आम्ही  असलो जरी उपाशी,

कानी पडताच ,ललकारी जयभीमची ,

विसरून जातो  भाषा, गटातटाची,

आप पर भावाची,

तत्क्षणी होतो, एकमेकांचे साथी,

मारण्या काठी, नाठाळाच्या माथी.!

दिवस भूतकाळात जमा झालेत,

ध्येय पूर्तीसाठी राजकारण करण्याचे,

विचार, सत्व, तत्त्वासाठी मरण आणि मारण्याचे,

निष्ठा होऊन पडलीय विष्ठा,

चहूकडे साम्राज्य पसरलेय चमच्यांचे.!

करू देत राजकारण, राजकारण्यांना,

समाजकारणात ही गोडी दिसे,

तुझ्या    बहु   लेकरांना ,

धम्म चक्र ही दिसतेय, वेगात फिरतांना,

दिसताहेत उच्च पदस्थ, धन दांडगे जयभीमचा मान राखताना.!

म्हणुनच मनात येते, कशाला रडेल भिमाई माझी, माऊली माय!

कशाला रडेल भिमाई माझी माऊली माय.!!

कशाला रडेल भीमाई माझी माऊली माय.!!!

जयभीम.आपला,अरुण निकम,9323249487.मुंबई.