अपघातग्रस्त ट्रक चालकाला न्याय देण्याकरिता चक्काजाम आंदोलन, सोनू/संतोष दुबे यांना न्याय द्यावा - अमन अंधेवार

घुग्घुस- १६ मार्चला एच.आर.जी ट्रान्सपोर्ट कंपनीचा ट्रक चालक सोनू उर्फ संतोष दुबे यांचा घुग्घुस मुंगोली चेकपोस्ट जवळ मोठा अपघात झाला, या अपघातामध्ये सोनू उर्फ संतोष दुबे याचे दोन्ही पाय निकामी झाले आहेत.

हा अपघात एच.आर.जी हरिराम गोधरा ट्रान्सपोर्ट कंपनीच्या हलगर्जीपणामुळे घडून आला आहे. शासनाने कामगारांकरिता कायदे बनवले आहे त्या कायद्याचे पालन हरिराम गोधरा ट्रान्सपोर्ट कंपनी हे करीत नाही आहे.

कंपनीतील ट्रक चालकांना ८ तासांच्या ऐवजी १२ तास निर्दयीपणे काम करून घेतल्या जात आहे. हा अपघात ट्रक चालकाची झोप झाली नसल्यामुळे झोपेमध्ये हा अपघात झालेला आहे हे समोर आलेले आहे. 

महाराष्ट्र नवनिर्माण कामगार सेनेचे जिल्हाध्यक्ष अमन अंधेवार, यांनी चक्क ४ तास कोलमाईन्सच्या रस्त्यावर हरिराम गोदारा ट्रान्सपोर्ट कंपनीच्या विरोधात ट्रका थांबवून तीव्र चक्काजाम आंदोलन केले, ते म्हणाले हे आंदोलन तेव्हाच संपेल, जोपर्यंत चालक संतोष दुबे याला न्याय मिळणार नाही तोपर्यंत मी लढा देत राहील, घटनास्थळी सबंधित पोलीस स्टेशनचे पोलीस निरीक्षक यांनी आंदोलन करताना चार तासापासून समजावून सांगितले तुमच्या मागण्या पूर्ण होतील व नुकसान झालेल्या चालकाला नुकसान भरपाई देऊन न्याय देण्यात येईल. परंतु आंदोलकांच्या मागण्या पुर्ण न झाल्याने आंदोलन चिघडले. त्यामुळे पोलिसांनी आंदोलकांना ताब्यात घेतले.