पोलीस स्टेशन भद्रावती यांनी केली अवैद्य सुगंधीत तंबाखु व्यवसाय करणाऱ्या विरुध्द कार्यवाही

दिनांक ०६.०५.२०२४ रोजी दुपारी १२:३० या सुमारास भद्रावती पोलीस स्टेशनचे पोहवा अनुप आरटुनकर यांना मुखबीरकडुन बातमी मिळाली की, अमोल गेडकर याने विवोर्डी गुरुनगर भद्रावती येथे आशिष वाकडे याचे घरी अवैधरित्या सुगंधीत तंबाखुची विक्रीकरीता साठवणुक करून ठेवली आहे. अशा खात्रीशीर खबरेवरुन सदरची माहीती मा. पोलीस निरीक्षक बिपीन इंगळे सा. यांना देवुन त्यांचे मार्गदर्शनात पोलीस स्टाफचे मदतीने खबरेप्रमाणे सदर ठिकाणी जावुन आशिष वाकडे याचे घराची पंचासमक्ष कायदेशीररित्या सुगंधीत तंबाखुबाबत तपासणी केली असता त्याचे घराचे बांधकाम सुरू असलेल्या स्वयंपाक खोलीत मजा १०८ सुगंधीत तंबाखु व ईगल सुगंधीत तंबाखु असा एकुण एकुण १,७१,४२०/-रू चा माल अंवैद्यरित्या मिळुन आल्याने सदरचा सुगंधीत तंबाखुचा मुददेमाल पंचनामा कार्यवाही करून जप्त करून पो रटे भद्रावती येथे अप कं २८७/२४ कलम ३२८, १८८, २७२, २७३, ३४ भादवी सहकलम अन्न व सुरक्षा मानके कायदा २००६ त्या अंतर्गत नियम कलम ३०(२), (२६) (२) (३), ३, ४, ५९(i) अन्वये गुन्हा नोंद करून आरोपी नामे १) अमोल नंदकिशोर गेडकर वय २७ वर्ष रा. डोलारा तलाव भद्रावती, २) आशिष दसरथ वाकडे वय ३० वर्ष रा. विचोर्डी गुरूनगर भद्रावती यांना ताब्यात घेवुन अटक करण्यात आली असुन पुढील तपास सुरू आहे.

सदरची कार्यवाही मा. उप-विभागीय पोलीस अधिकारी सा. वरोरा यांचे मार्गदर्शनात पोलीस निरीक्षक विपीन इंगळे सा., सफौ गजानन तुपकर, पोहवा अनुप आस्टुनकर, नापोअ जगदीश झाडे, निकेश देंगे, विश्वनाथ चुदरी यांनी केली आहे.