*क्षेत्रातील आरोग्य समस्या सोडविण्याचे आ. सुभाष धोटेंचे आढावा सभेत अधिकाऱ्यांना निर्देश* *जिल्हा सामान्य रुग्णालय येथे आढावा बैठक*

*क्षेत्रातील आरोग्य समस्या सोडविण्याचे आ. सुभाष धोटेंचे आढावा सभेत अधिकाऱ्यांना निर्देश*

*जिल्हा सामान्य रुग्णालय येथे आढावा बैठक*

✍️दिनेश झाडे

चंद्रपूर जिल्हा प्रतिनिधी

राजुरा:-- जिल्हा सामान्य रुग्णालय चंद्रपूर येथे आमदार सुभाष धोटे यांनी आपल्या मतदार संघातील रुग्णालयीन समस्यांविषयीची संबंधीत विभागाच्या अधिकाऱ्यांसह आढावा घेतला. यावेळी आ. सुभाष धोटेंनी क्षेत्रातील आरोग्य सुविधांबाबत शासन व जिल्हा आरोग्य यंत्रणेकडून सातत्याने होणारे दुर्लक्ष, गैरसोयी याबाबत संताप व्यक्त करीत जिल्हा शल्यचिकित्सक, जिल्हा आरोग्य अधिकाऱ्यांनी विशेष लक्ष देऊन या अत्यंत आवश्यक समस्या निवारणार्थ तातडीने कारवाई करण्याच्या सूचना केल्या. क्षेत्रातील अतिदुर्गम व आदिवासी बहुल जीवती तालुक्यातील जिवती ग्रामीण रुग्णालयाचे काम पूर्ण झाले असल्याने सर्व वैद्यकीय साधन सामुग्रीसह रुग्णालय तात्काळ रुग्णाच्या सेवेकरिता सुरु करावे, याबाबत मी स्वतः आरोग्य मंत्री, आरोग्य सचिव यांच्याकडे वारंवार पाठपुरावा करूनही शासनाचे अक्षम्य दुर्लक्ष होत आहे. त्यासंबंधने स्थानीक नागरिकांनी अनेकदा मोर्चे आंदोलने करून विभागाचे लक्ष वेधले मात्र विभागाला अजूनही जाग आलेली नाही. रुग्णालयीन इमारतीचे काम पूर्ण होऊन २ वर्ष पूर्ण होत आहे मात्र शासनाचे याकडे अक्षम्य दुर्लक्ष होत आहे. त्याचप्रमाणे गोंडपिपरी येथे तालुक्याचे ठिकाणी अस्तित्वात असलेली इमारत पूर्णता जीर्ण झाली असल्याने तात्काळ जागा रुग्णालयाचे नावाने करुन इमारतीचे बांधकाम पूर्ण करण्यात यावी. तसेच कोरपणा तालुक्यातील गडचंदुर हे औद्योगिक शहर असल्याने रुग्णांची फार मोठी गैरसोय होत आहे त्यामुळे गडचंदुर रुग्णालयाचा ३० बेड चे श्रेणीवर्धित १०० बेडच्या उपजिल्हारुग्णालयाचा प्रस्ताव तयार करुन शासनास तात्काळ पाठविण्यात यावा अशा सूचना आमदार सुभाष धोटे यांनी जिल्हा शल्य चिकित्सक डॉ. महादेव चिंचोळे याना दिल्या.बैठकीला जिल्हा आरोग्य अधिकारी डॉ. अशोक कटारे, उपविभागीय अधिकारी गोंडपिपरी स्नेहल रहाटे, कार्यकारी अभियंता सुनील कुंभे, मुकेश टांगले, गोंडपिपरीचे तहसीलदार शुभम बहाकार, तालुका वैद्यकीय अधिकारी स्वप्नील टेंभे, वैद्यकीय अधिक्षक गोंडपिपरी डॉ. नामपल्ले, वैद्यकीय अधिक्षक गडचांदुर डॉ. गायकवाड, उपविभागीय अभियंता किशोर येडे, शुभम चंदावर यासह विभागाचे अधिकारी उपस्थित होते.