*जिल्हा परिषद हायस्कूल कन्हाळगाव येथील 11 विद्यार्थ्यांचे NMMS परीक्षेत उत्कृष्ट प्रदर्शन*

*जिल्हा परिषद हायस्कूल कन्हाळगाव येथील 11 विद्यार्थ्यांचे NMMS परीक्षेत उत्कृष्ट प्रदर्शन*

✍️दिनेश झाडे

चंद्रपूर जिल्हा प्रतिनिधी

कोरपना:-शिखरांच्या नवनवीन उत्कर्ष गाठणारी कोरपना  तालुक्यातील जिल्हा परिषद हायस्कूल कन्हाळगाव यांनी पुन्हा एकदा आपल्या उत्कृष्ट निकालाची परंपरा अविरत ठेवून आपल्या शाळेचा नाव संपूर्ण चंद्रपूर जिल्ह्यात लौकिक केलेले आहे . राष्ट्रीय आर्थिक दुर्बल घटक शिष्यवृत्ती परीक्षा म्हणजेच NMMS  परीक्षेत जिल्हा परिषद हायस्कूल कन्हाळगाव येथील वर्ग आठवीचे 11 विद्यार्थी सदर परीक्षेत उत्कृष्ट गुणांनी उत्तीर्ण झाले आहेत.नुकताच झालेल्या सत्कार समारंभात अध्यक्ष म्हणून शाळा व्यवस्थापन समितीचे अध्यक्ष सन्माननीय नारायणजी हिवरकर तर  प्रमुख अतिथी म्हणून कन्हाळगावच्या सरपंच सन्माननीय सौ सुरेखाताई विनोद नवले,  उपसरपंच सन्माननीय श्री विनोद नरहरी नवले, शाळेचे सन्माननीय मुख्याध्यापक श्री प्रमोद पेंदाम सर, ग्राम पंचायत सदस्य सौ महानंदा शंकर शेंडे सौ वंदनाताई सोयाम , सौ मायाताई भोयर , सौ अनिताताई धुर्वे श्री महादेव कोवेजी  व एक जागरूक पालक म्हणून श्री परशुरामजी आत्राम उपस्थित होते.कार्यक्रमांमध्ये सर्व 11 ही  विद्यार्थ्यांचे पुष्पगुच्छ देऊन सन्माननीय अतिथींच्या हस्ते करण्यात आले,  याप्रसंगी कार्यक्रमाचे प्रमुख पाहुणे श्री विनोद नवले यांनी विद्यार्थ्यांना भरभरून शुभेच्छा दिल्या तसेच कार्यक्रमाचे अध्यक्ष सन्माननीय नारायण हिवरकर यांनी विद्यार्थ्यांना भविष्यात उत्तरोत्तर प्रगती मिळावी यासाठी शुभेच्छा दिल्या,  कार्यक्रमाचे सूत्रसंचालन शाळेचे शिक्षक सन्माननीय स्वतंत्रकुमार शुक्ला सर तर आभार प्रदर्शन श्री प्रफुल जीवने सर यांनी केले.कार्यक्रमाच्या यशस्वीतेसाठी शाळेचे शिक्षक श्री विठ्ठल मडावी सर श्री संजय डोहे सर,  कुमारी अफसाना आली मॅडम,  कुमारी रोहिणी आडे मॅडम , कुमारी प्रियंका भगत मॅडम, श्री . सुरज जूनघरी  सर इत्यादींनी मोलाचे सहकार्य केले.