माणुसकीला काळिमा फासणारी घटना मुलीवर अत्याचार करणाऱ्या नराधम बापाला अटक एका नराधम बापाने पोटच्या मुलीवर सतत तिन वर्षे लैंगिक अत्याचार करणाऱ्या बाप पोलीस कस्टडीत

माणुसकीला काळिमा फासणारी घटना मुलीवर अत्याचार करणाऱ्या नराधम बापाला  अटक

एका नराधम बापाने पोटच्या मुलीवर सतत तिन वर्षे  लैंगिक अत्याचार करणाऱ्या बाप पोलीस कस्टडीत

रिपोर्टर ✍️ भद्रावती तालुका प्रतिनिधी : राजेश येसेकर मो. 7756963512

(भारतीय वार्ता न्युज)भद्रावती : माणुसकीला काळिमा फासणारी घटना भद्रावती शहरातील एका पित्याने सतत तिन वर्षापासून आपल्या पोटच्या १३ वर्षीय  अल्पवयीन मुलीवर अत्याचार केल्याची धक्कादायक माहिती काल दि. ९ फेब्रुवारीला उघडकीस आली.सविस्तर माहिती अशी शहरातील एका  पिडीत मुलीच्या आई- वडिलांचा गेल्या काही वर्षापूर्वी घटस्फोट झाला. त्यानंतर आई १६ वर्षाच्या मुलासह बाहेर गावी राहते. तर वडील मुलीला घेऊन भद्रावती शहरातच राहते. सदर ५५ वर्षीय नराधम बाप हा आपल्या पोटच्या मुलीवर सतत तिन वर्षापासून लैंगिक अत्याचार करीत होता. याबद्दल मुलीला काही कळु लागल्याने या मुलीने याबाबत झालेला सर्व प्रकारची माहिती आपल्या आईला सांगितले. यानंतर या घटनेची तक्रार भद्रावती पोलीसात दिली. घटनेचे गांभीर्य लक्षात घेता नराधम आरोपी बापास भद्रावती पोलीसांनी दिनांक ९ फेब्रुवारी रोज सकाळी ८ वाजता पास्को कायद्याअंतर्गत गुन्हे दाखल करून अटक केली. सदर घटनेचा तपास पोलीस उपविभागीय अधिकारी नयोमी साटम यांच्या नेतृत्वाखाली भद्रावती पोलीस करीत आहे.