*तिळगुळाच्या गोडव्या प्रमाणे परस्पर स्नेहसंबंध वाढवा : आमदार सुभाष धोटे* *नांदाफाटा येथे हळदी कुंकू व महिला उत्सव उत्सवाचे आयोजन*

*तिळगुळाच्या गोडव्या प्रमाणे परस्पर स्नेहसंबंध वाढवा : आमदार सुभाष धोटे*

नांदाफाटा येथे हळदी कुंकू व महिला उत्सव उत्सवाचे आयोजन

✍️दिनेश झाडे

चंद्रपूर जिल्हा प्रतिनिधी

कोरपना :-आमदार सुभाष धोटे मित्र मंडळ आणि कोरपना तालुका महिला काँग्रेस यांच्या संयुक्त विद्यमाने सांस्कृतिक भवन नांदाफाटा येथे मकरसंक्रांत महोत्सवानिमित्त हळदी कुंकू कार्यक्रमाचे आयोजन करण्यात आले. या कार्यक्रमाचे उद्घाटन लोकप्रिय आमदार सुभाषभाऊ धोटे यांच्या हस्ते करण्यात आले. यावेळी मार्गदर्शन करताना ते म्हणाले की, आपल्या भारतीय संस्कृतीत ग्रामीण व शहरी भागात मकरसंक्रांतीचे, हळदी कुंकू कार्यक्रमाचे विशेष महत्त्व आहे. आपण सर्वांनी एक फार सुंदर कार्यक्रम आयोजित करून संस्कृती जपण्यासाठी पुढाकार घेतला हे कौतुकास्पद आहे. यानिमित्ताने आपण सर्वांनी तिळगुळाच्या गोडव्या प्रमाणे परस्पर स्नेहसंबंध वाढविण्यावर भर दिला पाहिजे. महिला शक्तीला अधिक जागृत आणि सक्षम करण्यासाठी एकजुटीने काम केले पाहिजे.यावेळी महिलांसाठी उखाणे, महिला समुहनृत्य आणि विविध स्पर्धाचे आयोजन करण्यात आले होते. या प्रसंगी कार्यक्रमाचे अध्यक्ष शुभांगीताई धोटे, प्रमुख अतिथी नगराध्यक्षा सविताताई टेकाम, माजी जि प सदस्य विनाताई मालेकर कल्पनाताई पेचे, वृषालीताई धोटे, कृ. उ. बा. स. उपसभापती वंदना बल्की, सुरेश पाटील मालेकर, कुंदाताई जेनेकर, संध्याताई चांदेकर, कोरपना महिला काँ. अध्यक्ष आशाताई खासरे, सोनूताई दिवसे, स्वातीताई देरकर, जयश्रीताई गोरे, कृष्णावेली गाहगोणीवार, सत्यशीला वडस्कर यासह महिला काँग्रेसच्या सर्व पदाधिकारी, कार्यकर्त्या, स्थानिक महिला भगिनी हजारोंच्या संख्येने उपस्थित होत्या. आयोजकांकडून सर्वांना आकर्षक भेटवस्तू वाण देण्यात आले.