ना. सुधीरभाऊ मुनगंटीवार सेवा केंद्र घुग्घुसतर्फे ख्रिश्चन बांधवांना शीतजलाचे वितरण

घुग्घुस येथील न्यु अपोस्टोलिक चर्चतर्फे ख्रिसमसनिमित्त भव्य शोभायात्रा रविवार, २४ डिसेंबर रोजी दुपारी शहरातून काढण्यात आली.

शोभायात्रा ना. सुधीरभाऊ मुनगंटीवार सेवा केंद्रा जवळ येताच शोभायात्रेत सहभागी ख्रिश्चन बांधवांचे भाजयुमो प्रदेश उपाध्यक्ष विवेक बोढे यांनी पुष्पगुच्छ देऊन स्वागत केले तसेच शितwजलाचे वाटप करण्यात आले.

न्यु अपोस्टोलिक चर्च येथून शोभायात्रा काढण्यात आली. ख्रिश्चन समाज बांधवांनी ठिकठिकाणी दोन मिनिट थांबून लड्डू वाटप केले, प्रार्थना करून गीत गाण्यात आले व शुभ समाचार देण्यात आला. शोभायात्रा नवीन बसस्थानक, पोलिस ठाणे, जुना बसस्थानक मार्गे मार्गक्रमण करीत न्यु अपोस्टोलिक चर्च येथे शोभायात्रेचे समापन करण्यात आले.

यावेळी पास्टर रमेश नातर, वेलसली कलगूर, संदीप आरमुल्ला, येसूदास आरमुल्ला, देविदास चिलका, माजी जि.प. सभापती नितु चौधरी, माजी सरपंच संतोष नुने, प्रयास सखी मंच घुग्घुसच्या अध्यक्षा किरण बोढे, माजी जि.प. सदस्य चिन्नाजी नलभोगा, माजी ग्रामपंचायत सदस्या कुसुम सातपुते, काँग्रेस अल्पसंख्यक जिल्हा उपाध्यक्ष सुनील सिलका, चर्च कमेटीचे कोषाध्यक्ष रवी डिकोंडा, सचिव सुदर्शन आरमुल्ला, युथ अध्यक्ष रोहित आरमुल्ला, सचिव प्रणय लिंगम्पेल्ली, सदस्य लड्डू सिलका, चंटी आरमुल्ला, रोशन माडगूल, आशिष गुंडेटी, लक्की तक्कला, सचिन तांड्रा, जॉय तांड्रा, अनुराग नातर व समाज बांधव उपस्थित होते.