रुग्णांची ३२ वी तुकडी शस्त्रक्रियेसाठी रवाना

ना. सुधीरभाऊ मुनगंटीवार आरोग्य सेवा समितीचा उपक्रम

घुग्घुस शहरातील ना. सुधीरभाऊ मुनगंटीवार आरोग्य सेवा समिती महाराष्ट्रतर्फे रुग्णांची ३२ वी तुकडी विविध आजारांवर शस्त्रक्रियेसाठी गुरुवार ७ डिसेंबर रोजी सकाळी ना. सुधीरभाऊ मुनगंटीवार सेवा केंद्रातून लता मंगेशकर वैद्यकीय महाविद्यालय नागपूरला भाजपाचे माजी जिल्हाध्यक्ष देवराव भोंगळे यांच्या मार्गदर्शनात व भाजयुमो प्रदेश उपाध्यक्ष विवेक बोढे यांच्या नेतृत्वात रवाना करण्यात आली.

याप्रसंगी प्रयास सखी मंच घुग्घुसच्या अध्यक्षा किरण बोढे म्हणाल्या, ना. सुधीरभाऊ मुनगंटीवार आरोग्य सेवा समितीच्या माध्यमातून घुग्घुस व परिसरातील रुग्णांना विविध आजारांवर शस्त्रक्रियेसाठी लता मंगेशकर वैद्यकीय महाविद्यालय नागपूरला पाठविण्यात येत आहे.

विविध प्रकारचे आजार ज्या रुग्णांना झाले आहे त्या सर्वांची शस्त्रक्रिया मोफत ना. सुधीरभाऊ मुनगंटीवार आरोग्य सेवा समिती महाराष्ट्र हि करत आहे.

आज ६४ रुणांना पाठविण्यात आले असून मागील अनेक वर्षांपासून ना. सुधीरभाऊ मुनगंटीवार आरोग्य सेवा समितीच्या माध्यमातून रुग्ण सेवेचे कार्य निरंतर सुरु आहे.

यावेळी माजी सरपंच संतोष नुने, माजी जि.प.सदस्य चिन्नाजी नलभोगा, किरण बोढे, सुरेंद्र जोगी, अजय लेंडे, सुनंदा लिहीतकर, संदीप तेलंग उपस्थित होते.