*महात्मा ज्योतिबा फुले यांच्या पुण्यतिथी निमित्त सावली तालुका काँग्रेस कमिटीतर्फे अभिवादन*

*महात्मा ज्योतिबा फुले यांच्या पुण्यतिथी निमित्त सावली तालुका काँग्रेस कमिटीतर्फे अभिवादन*

✍️दिनेश झाडे

चंद्रपूर जिल्हा प्रतिनिधी

सावली:-२८ नोव्हें.२०२३१९व्या शतकात ब्रिटिश सत्तेच्या कालखंडात हिंदू समाजाच्या रुढी परंपरांविरोधात अनेक सुधारकांनी आवाज उठवला,त्यापैकी एक म्हणजे महात्मा ज्योतिबा फुले.स्त्री शिक्षण,विधवा विवाह,पुनर्विवाह,बालविवाह यांसारख्या ज्वलंत विषयांवर ज्योतिबा फुलेंनी समाजाला जागृत करण्याचे प्रयत्न केले.महात्मा फुले यांनी 1851मध्ये मुलींसाठी शाळा सुरु केली.5 हजार वर्षांच्या इतिहासातील ती मुलींसाठी पहिली शाळा होती.त्यानंतर लगेचच त्यांनी अस्पृश्यांकरीता शाळा सुरु केली.अस्पृश्य स्त्रियांकरीता त्यांनी 6शाळा चालविल्या.भारतीय इतिहासाच्या काळखंडात अनेक सामाजिक,राजनैतिक चळवळीत सक्रिय पुढाकार असलेले क्रांतिकारक महात्मा ज्योतिबा फुले यांचा जन्म ११एप्रिल१८२७रोजी झाला,महान विचारवंत,कार्यकर्ते,समाजसुधारक,लेखक,तत्त्वज्ञ,संपादक आणि क्रांतिकारक होते.त्यांनी आयुष्यभर दुर्लक्षित जात,महिला आणि दीनदुबळ्यांच्या उन्नतीसाठी काम केले.त्यांच्या पत्नी सावित्रीबाई फुले यांनीही या कार्यात हातभार लावला.आज पुण्यतिथी निमित्य महात्मा ज्योतिबा फुले यांच्या प्रतिमेस पुष्पहार अर्पण करून अभिवादन करण्यात आले.यावेळी नगर पंचायत सावलीच्या प्रथम नागरिक,नगराध्यक्षा सौ.लताताई लाकडे,आरोग्य स्वच्छता व पाणीपुरवठा सभापती मा.अंतबोध बोरकर,नगरसेवक मा.प्रीतम गेडाम,मा.नितेश रस्से,मा.प्रफुल वाळके, नगरसेविका सौ.अंजली देवगडे,सौ.सिमा संतोषवार,सौ.ज्योती शिंदे,सौ.ज्योती गेडाम,सौ.प्रियंका रामटेके,काँग्रेस जनसंपर्क कार्यालय प्रमुख कमलेश गेडाम,मा.सुनील ढोले,मा.बादल गेडाम,यश गेडाम,मा.अमोल दुधे आदी उपस्थित होते.