ठेवीदारांचे ठेवी बुडविणाऱ्या आधारस्तंभ पतसंस्थे विरोधात धरना आंदोलन

काँग्रेस सदैव जनतेच्या सोबत : राजुरेड्डी

घुग्घूस  :  येथील आधारस्तंभ ग्रामीण बिगर शेती सहकारी पतसंस्थेच्या वतीने दैनिक ठेवीदार तथा मासिक ठेवीदारांचे मुदती पूर्ण होऊन देखील संस्था चालकांच्या वतीने नागरिकांच्या रक्कमा परत करण्यात आलेले नाहीत.

नागरिकांचे पैसे कधी देणार यासंदर्भात ठेवीदारांना कुठल्याही प्रकारे माहिती दिल्या जात नाहीत

ठेवीदारांना दमदाटी केल्या जाते

ठेवीदारांच्या पैशातून संचालकांनी  अनेक ठिकाणी जमिनी घेतल्याचा आरोप ठेवीदारांनी केला असून शहरातील मोलमजुरी करणारे छोटे व्यवसायीक व अनेक गरजवंतानी आपल्या वाईट काळात जमा केलेली रक्कम आपल्या कामात येईल या आशेवर या पतसंस्थेत बचत केली

मात्र आज त्या गोरगरीब नागरिकांना या पतसंस्थेच्या चालकांच्या वतीने आर्थिक शारीरिक व मानसिक त्रास दिल्या जात आहेत.

ठेवीदारांनी काँग्रेस जनसंपर्क कार्यलयात दिनांक 17 नोव्हेंबर रोजी भेट देत न्याय मिळवून द्यावा ही विनंती केली असता

काँग्रेस अध्यक्ष राजुरेड्डी यांच्या नेतृत्वाखाली दिनांक 22 नोव्हेंबर रोजी पतसंस्थेच्या संचालकांची संपत्तीची चौकशी करून संपत्तीचा लिलाव करून ठेवीदारांचे रक्कम परत करावी व  संस्था चालकांवर कडक कायदेशीर करावी या मागणीला घेवून धरना आंदोलन करण्यात येणार आहे.