*वढा तीर्थक्षेत्र परिसरात रेती तस्करी रोखण्यासाठी प्रशासने खड्डा खोदून मार्ग केला बंद*

घुग्घुस येथून जवळच असलेल्या वढा तीर्थक्षेत्र परिसरात रेती तस्करी रोखण्यासाठी प्रशासने खड्डे खोदून हा मार्ग केला बंद केला होता.

वढा रेती घाटावर मागील अनेक महिन्यापासून रेती  तस्करांनी धुमाकूळ घालुन रेती तस्करी करीत शासनाला लाखो रुपयांचा चुना लावला त्यामुळे शासनाचा महसूल पाण्यात बुडाला.

वढा येथील रेती तस्करीची बातमी विदर्भ टिव्ही व पब्लिक पोस्ट या वर्तमान पत्राने सतत उचलून धरल्याने शेवटी प्रशासनाला रेती चोरी थांबविण्यासाठी  महसूल विभागाच्या वतीने तसेच तहसीलदार यांच्यातर्फे वर्धा नदीच्या पात्राकडे जाणाऱ्या  मुख्य मार्गावर जेसीबी मशीनद्वारे  खड्डे खोदून रेती घाटाकडे जाणारा रस्ता बंद केला.

वढा येथील वर्धा नदीच्या घाटावर रेती तस्करांनी रातत्रीच्या सुमारास मागील अनेक महिण्यापासून राजकीय बळाच्या जोरावर रेतीची तस्करी ट्रॅक्टर ट्रालीने सुरु केली.

सदर तस्कर हे ट्रक्टर ट्रालीने रेती तस्करी करीत असतात रेती तस्करांनी पुर्णपणे रेती घाट पोखरुन काढला या राजकीय बळावर रेती तस्करांचे वढा घाटावर रेतीचे अवैध उत्खनन सुरु होते.

सात ते आठ ट्रॅक्टर ट्रालीने बेधड़कपणे रेती तस्कर धुमाकूळ करीत होते

शासनाला  लाखो ते कोट्यावधी रुपयांचा महसूलाचा फटका बसत होता. सदर तस्करांचे मनोबल मोठया प्रमाणात वाढले होते.

शेवटी उशिरा का होईना प्रशासनाला जाग आली असून प्रशासनाने कारवाई केली परंतु धरिवाल कंपनीच्या कंपाउंड जवळ रेती तस्करांनी नवीन रस्ता तयार केला व दिवस रात्र रेती तस्करी करणे पुन्हा सुरु केले आहे. महसूल विभागाला ठेंगा दाखवीत पुन्हा रेती तस्करी सुरु झाली आहे याकडे महसूल विभाग लक्ष देऊन कारवाई करणारा का असा प्रश्न उपस्थित होत आहे.