*संतांच्या शिकवणूकीत सापडतो मानवकल्याणाचा मार्ग : आमदार सुभाष धोटे* *तोहोगाव येथे महर्षी वाल्मिकी महाराज मूर्ती ची प्राणप्रतिष्ठापना*

*संतांच्या शिकवणूकीत सापडतो मानवकल्याणाचा मार्ग : आमदार सुभाष धोटे*

*तोहोगाव येथे महर्षी वाल्मिकी महाराज मूर्ती ची प्राणप्रतिष्ठापना*

✍️दिनेश झाडे

चंद्रपूर जिल्हा प्रतिनिधी

गोंडपीपरी :--  महर्षी वाल्मिकी भोई समाज मंडळ तोहोगाव यांच्या विद्यमानाने तसेच महर्षी वाल्मिकी महाराज जयंती निमित्त मोजा तोहगाव येथे महर्षी वाल्मिकी ऋषींच्या मूर्तीची प्राणप्रतिष्ठापना भोई समाज मंदिर, तोहगाव येथे करण्यात आली. यावेळी लोकप्रिय आमदार सुभाष धोटे यांनी उपस्थित राहून महर्षी वाल्मिकी महाराजांच्या मुर्तीचे दर्शन घेतले, विधीवत पुजन केले. या प्रसंगी जागृती भजन, पूजापाठ, हवनविधी, घटस्थापना, पालखी सोहळा, किर्तन, गोपाळकाला, महाप्रसाद विविध कार्यक्रमाचे आयोजन करण्यात आले होते. यावेळी समाज बांधवांना संबोधित करताना आ. धोटे यांनी सांगितले की, महर्षी वाल्मिकी महाराज तसेच सर्व संत पुरुषांच्या शिकवणूकीत मानव कल्याणाचा मार्ग सापडतो. संत, महात्म्यांपासून प्रेरणा घेऊन आपण सर्वांनी प्रगती साधली पाहिजे. भोई समाजाच्या विविध मागण्या आपण पुर्ण केलेल्या असून आनखी काही मागण्या समाजबांधवांनी केल्या आहेत. त्या देखील लवकरच पूर्ण करण्यात येईल.या प्रसंगी कार्यक्रमाचे अध्यक्ष आमदार सुभाष धोटे होते तर प्रमुख अतिथी म्हणून भोई समाजाचे अध्यक्ष रामदास महाराज भोयर  ओबीसी काँग्रेसचे प्रदेश सचिव तथा कळमना चे सरपंच नंदकिशोर वाढई, तोहगाव चे उपसरपंच मदन खामकर, ग्रा. प. सदस्य पोर्णिमा भोयर,वनिता रागीट,उज्वला ठेंगणे,नीलकंठ मोरे,लाठी चे उपसरपंच साईनाथ कोडापे, वेजगावचे माजी सरपंच नरेंद्र वाघाडे, सेवा सहकारी संस्थेचे अध्यक्ष नीलकंठ रागीट,माजी उपसरपंच फिरोज पठाण, प्रवीण मोरे,भोई समाज मंडळ चे उपाध्यक्ष रामदास वाघाडे, सचिव दशरथ शेंडे,सुरेश वाघाडे,विजय वाघाडे,विजय भोयर,मधुकर शेंडे,दत्तात्रय भोयर,संजय भोयर,भास्कर भोयर यासह भोई समाज बांधव आणि स्थानिक नागरिक मोठ्या संख्येने उपस्थित होते.कार्यक्रमाचे संचालन फिरोज पठाण यांनी केले तर प्रास्ताविक दशरथ शेंडे यांनी तर आभार प्रदर्शन स्वप्नील बावणे यांनी केली.