*आ. सुभाष धोटेंच्या हस्ते राष्ट्रसंत तुकडोजी महाराज सभागृहाचे लोकार्पण* *पंचायत समिती राजुरा येथे पार पडला सोहळा*

*आ. सुभाष धोटेंच्या हस्ते राष्ट्रसंत तुकडोजी महाराज सभागृहाचे लोकार्पण*

*पंचायत समिती राजुरा येथे पार पडला सोहळा*

✍️दिनेश झाडे

चंद्रपूर जिल्हा प्रतिनिधी

राजुरा  :-- पंचायत समिती राजुरा येथे तयार करण्यात आलेल्या राष्ट्रसंत तुकडोजी महाराज सभागृहाचे लोकार्पण लोकप्रिय आमदार सुभाष धोटे यांच्या हस्ते मुख्य कार्यकारी अधिकारी विवेक जाॅनसन यांच्या प्रमुख उपस्थितीत पार पडले. यावेळी उद्घाटनपर मार्गदर्शन करताना आ. सुभाष धोटे म्हणाले की, ग्रामीण जनतेला  अधिक तत्परतेने सेवासुविधा उपलब्ध करून देण्यासाठी पंचायत समिती स्तरावर सर्व विभागात योग्य समन्वय साधने आवश्यक आहे. शासकीय योजनांचा लाभ तातडीने नागरिकांना मिळवून देण्यासाठी पंचायत समिती च्या सर्व विभागाच्या अधिकाऱ्यांनी, कर्मचार्यांनी पोटतिडकीने काम करणे गरजेचे आहे. या सभागृहातून आपल्या माध्यमातून हे कार्य उत्तमपणे पार पडेल अशी अपेक्षा त्यांनी व्यक्त केली. तर मुख्य कार्यकारी अधिकारी विवेक जाॅनसन यांनी सांगितले की शासन आणि नागरिक यातील मुख्य दुवा म्हणून आपण सर्वांनी सेवाकार्य उत्तमरीत्या पार पाडण्यासाठी या सभागृहाचा उपयोग व्हावा. या प्रसंगी उपमुख्यकार्यकारी अधिकारी (पंचायत) मीना साडुंखे, गटविकास अधिकारी हेमंत भिंगारदेवे, प्रभारी कार्यकारी अभियंता विनोद खापणे, सहाय्यक गटविकास अधिकारी श्रिकांत बोबडे यासह पंचायत समिती च्या सर्व विभागाचे अधिकारी, कर्मचारी उपस्थित होते.  कार्यक्रमाचे सूत्रसंचालन विस्तार अधिकारी रवींद्र रत्नपारखी यांनी केले, आभारप्रदर्शन गटविकास अधिकारी हेमंत भिंगारदेवे यांनी मानले.