*प्रशासनाचा दुर्लक्षपणामुळे युवकाचा मृत्यू, तात्काळ सुरक्षा जाळी बसवा आणि घटनेची जबाबदारी स्वीकारून पीडित परिवाराला आर्थिक मदत द्या.* - *राजु कुडे यांची प्रशासनाकडे मागणी*

*प्रशासनाचा दुर्लक्षपणामुळे युवकाचा मृत्यू, तात्काळ सुरक्षा जाळी बसवा आणि घटनेची जबाबदारी स्वीकारून पीडित परिवाराला आर्थिक मदत द्या.* - *राजु कुडे यांची प्रशासनाकडे मागणी*

✍️दिनेश झाडे

चंद्रपूर जिल्हा प्रतिनिधी

चंद्रपूर:-२५ ऑक्टोबर २०२३चंद्रपूर शहरातील सोनामाता मंदिराजवळील प्राचीन कालीन विहिरीत २४ ऑक्टोबर रोजी रात्री नऊच्या सुमारास एका तरुणाचा मृत्यू झाला. तोल गेल्याने विहिरीत पडलेल्या या तरुणाचे नाव आकाश पाल (२६) असे आहे.या घटनेची माहिती मिळताच आम आदमी पार्टीचे युवा जिल्हा अध्यक्ष राजु कुडे यांनी घटनास्थळी धाव घेतली. त्यांनी पोलीस प्रशासन आणि महानगरपालिका आपत्ती व्यवस्थापनाला घटनास्थळी बोलावले. तसेच, वॉर्डातील युवकांनाही मदत करण्यास सांगितले.पोलीस आणि महानगरपालिका आपत्ती व्यवस्थापनाच्या मदतीने वॉर्डातील युवकांनी विहिरीतून मृतदेह बाहेर काढला.आकाश पाल हा डॉ. आंबेडकर नगरमधील माता चौक येथे राहणारा होता. तो एक गरीब कुटुंबातील कमावता तरुण होता. त्याच्या निधनाने कुटुंबावर दुःखाचा डोंगर कोसळला आहे.या घटनेवर आम आदमी पार्टीचे युवा जिल्हा अध्यक्ष राजु कुडे यांनी संताप व्यक्त केला आहे. त्यांनी महानगरपालिकेला विहिरीवर सुरक्षा जाळी बसवण्याचे आवाहन केले आहे. तसेच, कुटुंबाला आर्थिक मदत करण्याची मागणी केली आहे.