*खनिज विकास निधी चा विनियोग बाधीत क्षेत्रांतील आरोग्य, शिक्षण, शेती च्या विकास कामाकरीता त्वरित करावा:चंद्रकांत वैद्य* *संभाजी ब्रिगेडचे जिल्हाधिकारी यांना निवेदन*

*खनिज विकास निधी चा विनियोग बाधीत क्षेत्रांतील आरोग्य, शिक्षण, शेती च्या विकास कामाकरीता त्वरित करावा:चंद्रकांत वैद्य*

*संभाजी ब्रिगेडचे जिल्हाधिकारी यांना निवेदन*

✍️राजु गोरे

चंद्रपूर:-  जिल्ह्यात कोळसा, रेती, दगड, चुनखडी आदी विविध उत्खनन होत असल्याने खुप मोठ्या प्रमाणात महसूल जमा होत आहे. हा महसूल खनिज विकास निधि च्या स्वरूपात प्राप्त होत असल्याने जवळपास ८०० कोटी रुपये निधी जमा असताना निधीचा विनियोग बाधित क्षेत्रातील परिसरात विविध समस्या चे निराकरण करण्यासाठी होत नसल्याने अजूनही बाधीत क्षेत्र विविध समस्यांना तोंड देत आहे, म्हणून या खनिज विकास निधीचा विनियोग आरोग्य, शिक्षण आणि शेती च्या विकासाकरिता करावा याबाबत चे निवेदन संभाजी ब्रिगेड चे प्रदेश उपाध्यक्ष चंद्रकांत वैद्य यांनी जिल्हाधिकारी आणि लोकप्रिनिधींना सादर केले आहे.या बाधित क्षेत्रातील लोकांना या विविध खाण उत्खननामुळे त्यांच्या आरोग्य, शेती, पर्यावरण आणि त्यांच्या एकूण जीवनपद्धती वर दुष्परिणाम होत आहे.म्हणून हा भरमसाठ जमलेला खनिज विकास निधि विविध कामाकरीता बाधीत क्षेत्रात खर्च करायचा असतो. बाधित क्षेत्रातील आरोग्य यंत्रणा (ग्रामीण रुग्णालय, प्राथमिक आरोग्य केंद्र, प्राथमिक आरोग्य उपकेंद्रे, अंगणवाडी, रुग्णवाहिका) बळकट करण्याकरिता खर्च करावे, बाधीत क्षेत्रातील शैक्षणिक क्षेत्र (शासकीय शाळा इमारत, वाचनालय, अभ्यासिका, व्यायामशाळा, क्रीडांगण, शैक्षणिक साहित्य, प्रयोगशाळा) आदी करीता खर्च करावे, बाधीत क्षेत्रातील शेतकऱ्यांच्या शेतातील पांदन रस्ते, तलाव, बंधारे, आदी बांधकाम आणि दुरुस्ती करीता खर्च करावे, बाधीत क्षेत्रातील शेतकऱ्यांच्या शेतात होत असलेल्या वन्य प्राण्यांमुळे होणाऱ्या पिकांची हानी वर उपाययोजना करण्याकरिता खर्च करावे, बाधीत क्षेत्रातील पर्यावरण विषयक बाबीवर खर्च करावे, बाधीत क्षेत्रातील गावांना पिण्याच्या पाण्याची (RO system)  सोय करावी.या वरील विषयाच्या अनुषंगाने खनिज विकास निधि चा विनियोग त्वरित बैठक घेऊन करावा, याबाबत चे निवेदन जिल्हाधिकारी विनय गौडा यांना संभाजी ब्रिगेड मार्फत देण्यात आले आहे.