*३२ अनाथ मुलांना घेतले दत्तक तर दिव्यांगांना सायकल भेट* *रवींद्र शिंदे यांनी जोपासली सामाजिक बांधिलकी*

*३२ अनाथ मुलांना घेतले दत्तक तर दिव्यांगांना सायकल भेट*

*रवींद्र शिंदे यांनी जोपासली सामाजिक बांधिलकी*

रोगनिदान शिबिरात तीनशे रुग्णांची तपासणी

खा. संजय राऊत व खा. अनिल देसाई यांच्या शुभेच्छा

*विविध सामाजिक उपक्रमांनी  वाढदिवस साजरा*

✍️दिनेश झाडे

चंद्रपूर जिल्हा प्रतिनिधी

भद्रावती:-भद्रावती सामाजिक सेवेत सदैव तत्पर शिवसेनेचे (उध्दव बाळासाहेब ठाकरे) वरोरा-भद्रावती विधानसभा क्षेत्र प्रमुख तथा चंद्रपूर जिल्हा मध्यवर्ती सहकारी बँकेचे माजी अध्यक्ष रविंद्र शिंदे यांच्या वाढदिवसानिमित्त शुक्रवारी (दि.१३) विधानसभा क्षेत्रात विविध उपक्रमांचे आयोजन करण्यात आले. यावेळी वयाची अंशी पार केलेल्या २३ वयोवृध्द नागरिकांचा सत्कार करण्यात आला. वाचनालयाला पुस्तके तर सहा दिव्यांगांना सायकल भेट देण्यात आली. तसेच ३२ अनाथ मुलांना शैक्षणिक कार्यासाठी त्यांनी दत्तक घेत सामाजिक बांधिलकी जोपासली.सर्वप्रथम रविंद्र शिंदे यांनी आनंदवन येथील थोर समाजसेवक बाबा आमटे यांच्या समाधीला भेट देवून श्रध्दांजली अर्पण केली. त्यानंतर आनंदवनचे विश्वस्त डॉ. विकास आमटे आणि सदाशिव ताजने यांचे आर्शिवाद घेतले. याप्रसंगी रूपाली रविंद्र शिंदे, ट्रस्टचे कार्यकारी अध्यक्ष प्रा. धनराज आस्वले, शिवसेना वरोरा तालुकाप्रमुख दत्ता बोरेकर, वरोरा शहर प्रमुख खेमराज कुरेकर प्रामुख्याने उपस्थित होते. तसेच चंद्रपूर जिल्हा धनोजे कुणबी समाजाचे अध्यक्ष अॅड. पुरुषोत्तम सातपुते, सेवानिवृत्त भूमिअभिलेख अधिकारी चंपत आस्वले, सामाजिक कार्यकर्ते मदन ठेंगणे, विजय पिंपळशेंडे, बंडू जांभूळकर, पुरुषोत्तम मत्ते, शिवसेना महिला आघाडी जिल्हाप्रमुख नर्मदा बोरेकर, युवासेना पूर्व विदर्भ विभागीय सचिव तथा गोंडवाना विद्यापिठाचे सिनेट सदस्य न प्रा. नीलेश बेलखेडे, उपजिल्हाप्रमुख तथा भद्रावती कृषी उत्पन्न बाजार समितीचे सभापती भास्कर ताजणे, नरेंद्र पढाल, वरोरा तालुकाप्रमुख तथा बाजार समितीचे संचालक दत्ता बोरेकर, भद्रावती शहरप्रमुख घनश्याम आस्वले, वरोरा शहरप्रमुख खेमराज कुरेकर यांच्यासह शिवसैनिक मोठ्या संख्येने उपस्थित होते.स्व. श्रीनिवास शिंदे मेमोरीयल रवींद्र शिंदे चॅरिटेबल ट्रस्ट चंद्रपूरच्या वर्धापनदिनाप्रित्यर्थ ट्रस्टच्या श्रध्देय बाबा आमटे आरोग्य अभियांनातर्गत भद्रावती येथील श्री मंगल कार्यालयात शुक्रवारी रोगनिदान शिबिर घेण्यात आले. हे शिबिर स्व. श्रीनिवास शिंदे मेमोरीयल रवींद्र शिंदे चॅरिटेबल ट्रस्ट चंद्रपूर आणि आचार्य विनोबा भावे ग्रामीण रुग्णालय, सावंगी (मेघे) यांच्या संयुक्त विद्यमाने घेण्यात आले. या शिबिरात तीनशे रुग्णांची तपासणी करून त्यांच्यावर उपचार करण्यात आले. यातील २३ रुग्णांना पुढील उपचारासाठी सावंगी (मेघे) रुग्णालयात पाठविण्याची शिफारस करण्यात आली. ट्रस्टचे सामाजिक कार्य सर्वांसाठी सदैव प्रेरणादायी असल्याचे शिबिराच्या उद्घाटनप्रसंगी अॅड. पुरुषोत्तम सातपुते म्हणाले.शिवसेना ( उध्दव बाळासाहेब ठाकरे) वरोरा-भद्रावती विधानसभा क्षेत्रप्रमुख रवीद्र शिंदे यांच्या वाढदिवसा निमित्य शिवसेना नेते खा. संजय राऊत व खा. अनिल देसाई यांनी भ्रमरध्वनीवरून संपर्क साधून त्यांना शुभेच्छा दिल्या. तसेच अनेक शिवसैनिक, विविध क्षेत्रातील मान्यवरांनी त्यांची प्रत्यक्ष भेट घेऊन शुभेच्छा दिल्या.