चिंचोली रेती घाटावरून रेती तस्करी करणारे तीन ट्रॅक्टर जप्त, तहसीलदारांची पथकसह रात्री धडक कारवाई

चंद्रपुर तालुक्यातील चिंचोली रेती घाटावरून अवैधरित्या रेती तस्करी करणारे तीन ट्रॅक्टर तहसीलदार विजय पवार यांनी जप्त केले आहे.ही कारवाई शुक्रवारी रात्री बेधडकपणे तहसीलदार यांनी केली आहे.मात्र चिंचोली परिसरात मागील अनेक दिवसांपासून अवैध रेती तस्करी होत असून याची माहिती मंडळ अधिकाऱ्यांना होती मात्र मंडळ अधिकारी चिरीमिरी घेऊन गप्प असल्यानं अखेर धडाकेबाज तहसीलदार पवार यांनी ही कारवाई केल्यानं मंडळ अधिकारी व तलाठी गोचात सापडले असून मंडळ अधिकाऱ्यांवर कारवाई करण्याची मागणी होत आहे.

मिळालेल्या माहितीनुसार घुग्गुस येथून जवळच असलेल्या चिंचोली रेती घाटावरून दिवसरात्र रेतीची ट्रॅक्टर द्वारे अवैध तस्करी सुरू होती.अशातच याची महिती तहसीलदार विजय पवार यांना मिळताच त्यानी तात्काळ शुक्रवारी मध्यरात्री आपल्या सहकार्यासोबत धाड टाकून तीन ट्रॅक्टर जप्त केले.तसेच जप्त केलेले ट्रॅक्टर घुग्गुसच्या नायब तहसिलदार कार्यालयात लावण्यात आले आहे.पुढील कारवाई सुरू आहे.

मात्र मागील अनेक दिवसांपासून चिंचोली रेती घाटावरून अवैध रेतीची तस्करी सुरूच असून याची माहिती मंडळ अधिकाऱ्यांना होती, मात्र त्यांच्याच आशीर्वादाने हे सर्व प्रकार सुरू असून शासनाच्या लाखोंचा महसूल  बुडत आहे.