एच.आर.जी कंपनीच्या हायवाने दिली कारला जबर धडक

नागरिकांनी केला दीड तास चक्का जाम आंदोलन

घुग्घुस : वेकोलीच्या पैनगंगा,मुंगोली कोळसा खाणीतून कोळसा वाहतूक करणारी वादग्रस्त गुंडगिरी व नियमबाह्य ओव्हरलोड वाहतूक करणाऱ्या एच. आर. जी कंपनीच्या MH 34 BG 9075 या भरधाव वाहनाने MH 12 KE  4414 या विरुद्ध येणाऱ्या कारला जबर धडक दिली.

या अपघातात कारला प्रचंड नुकसान झाले असून कार मधील चिमुकल्या मुलीला मार लागले आहे

दीड तास चक्काजाम

याकंपनीला ब्लॅकलिस्ट करण्यात यावे तसेच अपघातग्रस्तांना मोबदला मिळावा,एच आर जी कंपनीचा मालक श्रीराम घटणा स्थली दाखल होऊन सर्व सहमतीने घटणेचा निष्कर्ष काढाव याकरिता नागरिकांनी दीड तास चक्काजाम करीत आपला संताप व्यक्त केला.

*पोलिसांचा तगडा बंदोबस्त*

घुग्घुस पोलीस स्टेशनचे कर्तव्यदक्ष पोलीस निरीक्षक आसिफराजा हे घटनास्थळी आपल्या ताफ्यासह उपस्थित होत परिस्थितीला आटोक्यात आणले व एच.आर.जी कंपनीचे हायवा वाहन पोलीस स्टेशनला लावले

*एच. आर. जी. जिथे वाद तिथे*

राजस्थान येथील हरिराम गोधरा यांची ही कंपनी प्रचंड वादग्रस्त असून विना ताडपत्री क्षमतेपेक्षा जास्त कोळसा वाहतूक करणे

कोळसा पडून दुचाकी स्वरांचे अपघात झाल्यास त्यांनाच गुंडाकरवी दमदाटी देणे स्थानिक नागरिकांशी हुज्जत वाद घालणे, वाहन अतिशय वेगाने चालवणे,वातावरण प्रदुषित करने,शेत पिकाचे नुकसान करने,वारंवार अपघात करणे असे नेहमीचे झाले आहेत

वेकोली अधिकाऱ्यांचा छुपा समर्थन

एच .आर.जी.कंपनी हे सतत ओव्हरलोड कोळसा पैनगंगा मुंगोली खाणीतुन घुग्घुस येथील नवीन व जुन्या सायडिंगवर आणीत असतो या ओव्हरलोड व नियमबाह्य वाहतुकीस वेकोलीचे नोझल अधिकारी,काटा बाबू,मुंगोली सब एरिया,सायडींग ईचार्ज,संगनमत असून चिरी - मिरी मुळेच वेकोली अधिकाऱ्यांचे डोळे व तोंड बंद आहेत

*RTO चे ही दुर्लक्ष*

एच आर जी कंपनीच्या अवैध कृत्याकडे आर.टी.ओ देखील डोळे बंद करून बसल्याचे निरदर्शनास येत आहे

कंपनीच्या ओव्हरलोड वाहनावर एक दिवसांपूर्वी पोलिसांनी दंड थोटावला मात्र आर. टी. ओ. गाढ झोपेत असल्याने किंवा सोंग घेतल्यानेच कारवाई केली जात नाही

आजच्या अपघाता नंतर पोलीसांनी एच आर जी कंपनीच्या बारा वाहनांना दंड ठोठावला आहे